કાશ્મીર મુદ્દે કાયમી સમાધાન ઇચ્છે છે પાક: ઝરદારી

ઇસ્લામાબાદ, 21 ડિસેમ્બર: પાકિસ્તાનના રાષ્ટ્રપતિ આસિફ અલી ઝરદારીએ ગુરૂવારે કરાચી આવેલા હુર્રિયત કોંફ્રેન્સના પ્રતિનિધિમંડળને જણાવ્યું કે તેમનો દેશ કાશ્મીર મુદ્દે કાયમી ઉકેલ માટે ભારત સાથે વાતચીત કરવા ઇચ્છે છે, જેના કારણે આ વિસ્તારમાં શાંતિ અને સ્થિરતા આવશે.

ઝરદારીએ હુર્રિયત કોંફ્રેન્સના નેતાઓની સાથે કરાચીમાં મુલાકાત દરમિયાન કહ્યું કે 'પાકિસ્તાનને વિશ્વાસ છે કે લોકોની ભાવના અનુસાર ભારતની સાથે એક સાર્થક અને નિર્ણાયક વાતચીત કાશ્મીર વિવાદને કાયમી ઉકેલ તરફ લઇ જઇ શકે છે.'

ઝરદારીએ જણાવ્યું કે 'કાશ્મીરમાં શાંતિ, વિકાસ અને સ્થિરતા લાવવા માટે પાકિસ્તાન અને ભારત માટે આ મહત્વપૂર્ણ બાબત છે' કે તેઓ બધા જ પેન્ડીંગ મુદ્દાઓનો મિત્રતાભર્યો અને ન્યાયપૂર્ણ સમાધાન કરે.

English summary

Zardari want permanent solution on Kashmir issue.