વિશ્વ રેકોર્ડઃ 87 વર્ષનું થયુ NRIનું લગ્ન જીવન

લંડન, 3 નવેંબરઃ આજના સમય બહુ ઓછા લગ્ન હોય છે જે લાંબો સમય ટકે છે. ત્યારે એક જીવનની સદી ફટકારી ચૂકેલા એનઆરઆઇ દંપત્તિના લગ્નને 87 વર્ષ થઇ ગયા છે, આ સાથે જ આ દંપત્તિએ સૌથી લાંબા લગ્નજીવનનો વિશ્વ રેકોર્ડ બનાવી દીધો છે. 107 વર્ષના કરમ અને 100 વર્ષીય કટારી ચાંદને આઠ બાળકો અને 28 પૌત્રો છે, જે સાથે રહે છે. એક સાથે રહેવાની સફળતાં અંગે તેમણે કહ્યું છે કે અમે એક બીજાની દરેક બાબતમાં શક્ય તેટલું ધ્યાન આપીએ છીએ.

કરમે કહ્યું છે,'' હું મારી પત્નીને ખુશ રાખવા પ્રયત્નો કરું છું. હું તેને જોક્સ સંભળાવું છું અને તેના ચહેરા પર ખુશી લાવી દઉં છું. રોમેન્ટિક બનવા માટેનો આ મારી રમૂજી ટ્રીક છે.''

ડેઇલી મેઇલના અહેવાલ અનુસાર આ એનઆરઆઇ દંપત્તિ બ્રાડફોર્ડમાં રહી રહ્યું છે ગીનીસ વર્લ્ડ રેકોર્ડ તેમના નામે છે અને હવે તે નવો રેકોર્ડ પોતાના નામે કરવા જઇ રહ્યાં છે.

'' હું કહેવા માંગુ છું કે લાંબુ જીવન જીવવા માટે હસતાં રહેવું જોઇએ. મારી પત્ની હજું પણ જીવીત છે તેથી તે કામ કરતું જ હોવું જોઇએ. હું તેને ઘણો પ્રેમ કરુ છું અને તેની સાથે હજું બીજા 80 વર્ષ વિતાવવા માંગુ છું.'' તેમ કરમે ઉમેર્યું છે. પંજાબના રહેવાસી આ દંપત્તિનું કહેવું છે કે રોમેન્ટિક રહેવા માટે તે એકબીજાની દરેક વાતને શેર કરે છે.

English summary

In an age where few marriages endure the test of time, a centurion Indian couple have lived in wedded bliss for 87 years.