યુએઇ સ્થિત ભારતીય વ્યાપારીએ કરી 46 નર્સોને નોકરીની ઓફર

દુબઇ, 6 જુલાઇઃ યુએઇ સ્થિત ટોચના ભારતીય બિઝનેસમેને ઇરાકમાં આતંકવાદીઓ દ્વારા હુમલો કરાયેલા વિસ્તારમાંથી આવેલી 46 ભારતીય નર્સોને નોકરીની ઓફર કરી છે. એનએમસી હેલ્થકેર ગ્રુપના સીઇઓ ડો. બીઆર શેટ્ટીએ નર્સને જણાવ્યું છેકે તેઓ તેમના માટે યુએઇમાં જગ્યા શોધશે.

ઉક્ત નર્સોએ ઇરાકમાં થેયલી હિંસા દરમિયાન પોતાનું ઘર અને નોકરી ગુમાવી હતી. શેટ્ટી કે જેઓ યુએઇ, ઇજીપ્ત અને ભારતમાં હોસ્પિટલ ધરાવે છે, તેમણે કેરળના મુખ્યમંત્રી ઓમ્મેન ચંડી સમક્ષ આ પ્રસ્તાવ મુક્યો હતો. તેમ અધિકારીઓએ જણાવ્યું હતું. એક મહિના સુધી આતંકવાદીઓ દ્વારા હુમલા કરાયેલા વિસ્તારમાં રહ્યા બાદ આ નર્સો પોતાના વતન પરત ફરી છે અને હવે તેઓ પોતાના જીવને જોખમમાં મુકવા માગતી નથી. 46 નર્સોમાંથી 45 કેરળના વિવિધ જિલ્લામાં રહે છે અને 1 નર્સ તમિળનાડુના તુતિકોરિનની રહેવાસી છે.

નોંધનીય છેકે આઇએસઆઇએસ દ્વારા ઇરાક અને સરિયા નજીક ઇરાકી અને સીરિયન બોર્ડર નજીકના મોટાભાગ પર કબજો જમાવી દીધો છે અને તે આખા વિસ્તારમાં કબજો જમાવવા માગે છે. છેલ્લા એક મહિનાથી આ આતંકવાદીઓ દ્વારા આ દહેશત ફેલાવવામાં આવી છે, આ દહેશતમાં ભારતની 46 નર્સો પણ ફસાઇ ગઇ હતી.

English summary

A leading UAE-based Indian businessman has offered jobs to 46 Indian nurses who returned to their homeland after being stranded for about a month in the militants-held region in Iraq. NMC Healthcare Group CEO Dr B R Shetty has made the offer to nurses, assuring them he would find place for them in the UAE, an NMC official said.