Asian Games 2023 : ગુરૂવારનો દિવસ ભારત માટે કેવો રહ્યો? જાણો આજે ખાતામાં કેટલા મેડલ આવ્યા?
એશિયન ગેમ્સમાં ભારતીય ખેલાડીઓનું શાનદાર પ્રદર્શન જારી છે. આજે ભારતીય ટીમે ત્રણ ગોલ્ડ મેડલ પોતાના નામે કર્યા. તીરંદાજીમાં ભારતનો દબદબો જોવા મળ્યો તો કમ્પાઉન્ડ ઈવેન્ટમાં મહિલા અને પુરૂષ ટીમોએ ગોલ્ડ મેડલ જીત્યા.
જણાવી દઈએ કે, આ તમામ મેડલ સાથે ભારત પાસે હવે 21 ગોલ્ડ સહિત કુલ 86 મેડલ છે. ભારત મેડલ ટેબલમાં ચોથા સ્થાને છે.
તીરંદાજી
મહિલા કમ્પાઉન્ડ ટીમે ગોલ્ડ મેડલ જીત્યો. જ્યોતિ વેન્નમ, અદિતિ સ્વામી અને પ્રનીત કૌરે ચીની તાઈપેને હરાવ્યુ. પુરુષોની તીરંદાજીમાં ભારતને ગોલ્ડ મળ્યો. ઓજસ દેવતલે, અભિષેક વર્મા, પ્રથમેશ જાવકરની ટીમે ફાઇનલમાં દક્ષિણ કોરિયાને હરાવ્યું.
બેડમિન્ટન
મહિલા સિંગલ્સમાં ભારતે મોટો ફટકો લાગ્યો છે. ભારતીય ખેલાડી પીવી સિંધુને હારનો સામનો કરવો પડ્યો. સિંધુ ચીનની બિંગજિયાઓ સામે હારી. એચએસ પ્રણોયે સેમિફાઇનલમાં જગ્યા બનાવી છે. સાત્વિક અને ચિરાગની જોડીએ સેમિફાઇનલમાં જગ્યા બનાવીને મેડલ પાક્કો કર્યો.
કબડ્ડી
પુરુષોની કબડ્ડી ટીમને જાપાનને હરાવીને સેમી ફાઇનલમાં જગ્યા બનાવી લીધી છે. ભારતે વિપક્ષી ટીમને 56-28ના માર્જીનથી હરાવ્યું. ટીમ ઈન્ડિયાનો મેડલ કન્ફર્મ છે.
સ્કોચ
અહીં ભારતનું વર્ચસ્વ રહ્યું. દીપિકા અને સૌરવે મિક્સ ડબલ્સમાં ગોલ્ડ મેડલ જીત્યો. ભારતીય જોડીએ મલેશિયાની જોડીને હરાવી. સૌરવ ઘોષાલને મેન્સ સિંગલ્સમાં સિલ્વર મેડલ મળ્યો, તે ફાઇનલમાં મલેશિયાના ઇયાન યો સામે હાર્યો.
હોકી
મહિલા હોકીમાં ભારતને હારનો સામનો કરવો પડ્યો. ભારતને સેમિફાઇનલમાં ચીન સામે 0-4થી હારનો સામનો કરવો પડ્યો.
બોક્સિંગ
ભારતની અંતિમ પંખાલે મહિલા બોક્સિંગ 53 કિગ્રામાં બ્રોન્ઝ મેડલ જીત્યો.તેની સામે મોંગોલિયાની બોક્સરને હાર મળી.
ચેસ
ભારતીય પુરૂષ ટીમે 7માં રાઉન્ડમાં વિયેતનામને હરાવીને જીત મેળવી. મહિલા ટીમ જીતી શકી ન પરંતુ કઝાકિસ્તાનની ટીમ સામે ડ્રો કરવામાં સફળ રહી.
કુસ્તી
કુસ્તીમાં ભારતને મેડલ ગુમાવવો પડ્યો. 57 કિલોગ્રામ મહિલા કુસ્તીમાં ભારતની માનસીને ઉઝબેકિસ્તાનની કુસ્તીબાજ સામે હારનો સામનો કરવો પડ્યો. આ બ્રોન્ઝ મેડલ મેચ હતી.
Click it and Unblock the Notifications
Sign in with Google
