Asian Games 2023: ભારતે જીત્યો ચોથો ગોલ્ડ, શૂટિંગમાં મનુ ભાકર, ઈશા સિંહ, રિધમ સાંગવાને રચ્યો ઈતિહાસ
Asian Games 2023: એશિયન ગેમ્સની શૂટિંગ ઈવેન્ટમાં ભારતીય મહિલા ટીમે શાનદાર પ્રદર્શન કર્યું હતું. ભારતે 25 મીટર પિસ્તોલ ટીમ ઈવેન્ટમાં ગોલ્ડ મેડલ જીત્યો હતો. ભારતીય મહિલા ટીમે 1759નો સ્કોર કર્યો અને ગોલ્ડ મેડલ કબજે કર્યો.
આ ગેમ્સમાં ભારતનો આ ચોથો ગોલ્ડ મેડલ છે. ભારતીય ટીમ માટે મનુ ભાકર, ઈશા સિંહ અને રિધમ સાંગવાન ભાગ લઈ રહ્યા હતા. આ શૂટર્સે મહિલાઓની 25 મીટર પિસ્તોલ ટીમ ઈવેન્ટમાં 1759ના સ્કોર સાથે ગોલ્ડ મેડલ જીત્યો હતો.
આ સ્પર્ધામાં ચીનની ટીમ બીજા ક્રમે રહી હતી. ચીનને સિલ્વર મેડલ અને કોરિયાને બ્રોન્ઝ મેડલ મળ્યો. મનુ ભાકરે ક્વૉલિફિકેશન રાઉન્ડમાં ટોચનું સ્થાન મેળવ્યું હતું. તેમના સિવાય ઈશાને પાંચમું સ્થાન મળ્યું છે. રિધમ સાતમા ક્રમે રહી. દરેક દેશમાંથી માત્ર બે શૂટરને ફાઇનલમાં જવાની મંજૂરી આપવામાં આવી હતી, જેના કારણે રિધમ આગળના રાઉન્ડમાં જઈ શકી નહોતી.
આ ગોલ્ડ મેડલ પહેલા ભારત પાસે કુલ 3 ગોલ્ડ મેડલ હતા. હવે 4 થઈ ગયા છે. આ પહેલા મંગળવારે ભારતીય ટીમે ઘોડેસવારીમાં ગોલ્ડ મેડલ જીત્યો હતો. હવે શૂટિંગમાં મેડલ આવવાની સાથે મેડલની સંખ્યામાં પણ વધારો થયો છે. ભારત પાસે કુલ 15 મેડલ છે.
Click it and Unblock the Notifications
Sign in with Google
