Asian Games 2023 : ફૂટબોલમાં ભારતની રોમાંચક જીત, સુનીલ છેત્રીના શાનદાર ગોલે બાજી પલટી

ભારતના ફૂટબોલ સ્ટાર સુનીલ છેત્રીએ ફરી એક વખત કમાલ કરતા એશિયન ગેમ્સમાં ભારતને શાનદાર જીત અપાવી છે. ભારતે બાંગ્લાદેશને હરાવીને 1-0થી મેચ જીતી લીધી છે.

ભારત અને બાંગ્લાદેશ વચ્ચે રમાયેલો આ મુકાબલો જોરદાર રોમાંચ અને ભારતની જીત સાથે સમાપ્ત થયો. મુકાબલમાં બંને ટીમો વચ્ચે કાંટાની ટક્કર જોવા મળી. મેચની 85મી મિનિટ સુધી કોઈપણ ટીમ ગોલ કરી શકી ન હતી પરંતુ ભારતે અંતિમ ક્ષણોમાં બીજી મારી લીધી.

સુનીલ છેત્રી આ મેચમાં ભારત માટે એકમાત્ર ગોલ કરવામાં સફળ રહ્યો. છેત્રીએ 85મી મિનિટે પેનલ્ટી પર ગોલ કરીને ભારતને લીડ અપાવી. આ પછી બાકીની થોડી મિનિટોમાં બાંગ્લાદેશના ખેલાડીઓને ગોલ કરતા અટકાવવામાં આવ્યા. આ રીતે ભારત બાંગ્લાદેશ સામેની આ ફૂટબોલ મેચમાં શાનદાર જીત મેળવવામાં સફળ રહ્યું.

મેચની શરૂઆતથી જ બંને ટીમના ખેલાડીઓએ એકબીજાને જોરદાર ટક્કર આપી. પહેલા હાફમાં બાંગ્લાદેશની ટીમ સારા લયમાં જોવા મળી રહી અને ભારતીય ખેલાડીઓ પર દબાણ બનાવી રહી હતી. મેચની પ્રથમ 20 મિનિટમાં બાંગ્લાદેશના ખેલાડીઓ ભારતીય ખેલાડીઓ પર સંપૂર્ણ રીતે વર્ચસ્વ જમાવી રહ્યા હતા.

જણાવી દઈએ કે, 19 સપ્ટેમ્બરે ભારતે હાંગઝોઉમાં ગ્રુપ A મેચમાં યજમાન પીપલ્સ રિપબ્લિક ઓફ ચાઇના સામે 5-1થી હાર સાથે એશિયન ગેમ્સ 2023 અભિયાનની શરૂઆત કરી હતી. આવી સ્થિતિમાં બાંગ્લાદેશ સામેની આ મેચ ભારત માટે ઘણી મહત્વની હતી.

પ્રથમ મેચમાં મ્યાનમારે બાંગ્લાદેશને હરાવ્યું હતું. આ રીતે એશિયન ગેમ્સમાં બાંગ્લાદેશની આ સતત બીજી હાર છે.

English summary

Asian Games 2023: India's thrilling victory in football