IPL ફ્રેન્ચાઇસી માટે BCCIએ નવા ટેન્ડર બહાર પાડ્યા

Updated: Sunday, October 14, 2012, 14:41 [IST]

નવી દિલ્હી, 14 ઑક્ટોબર : દેવામાં ડૂબેલી ડેક્કન ચાર્જર્સને ઇન્ડિયન પ્રીમિયર લીગ (આઇપીએલ)માંથી રદ કર્યા બાદ બીસીસીઆઇએ રવિવારે એક નવી ફ્રેન્ચાઇઝી ટીમ શોધવાની પ્રક્રિયા શરૂ કરવા ટેન્ડર બહાર પાડ્યું છે.

આ માટે બીસીસીઆઇએ અગ્રણી સમાચાર પત્રોમાં જાહેરાત આપી છે. જેમાં બીસીસીઆઇએ જણાવ્યું છે કે આ ટેન્ડર અનુસાર ટીમ ખરીદનારા બોલીદાતાને નવી ટીમની માલિકી અને તેના સંચાલનના અધિકાર આપવામાં આવશે. આ ટીમ વર્ષ 2013 અને તે પછીની કોઇ પણ ટી20 ચેમ્પિયન્સ લીગમાં ભાગ લઇ શકશે.

આ બોલી 12 શહેરો અમદાવાદ, કટકસ ધર્મશાળા, ઇંદોર, હૈદરાબાદ, કાનપુર, કોચીન, નાગપુર, નોઇડા, રાજકોટ, રાંચી અને વિઝાગથી આમંત્રિત કરવામાં આવી છે. આ અંગેની બોલી 25 ઑક્ટોબર, 2012, ગુરુવારના રોજ ભારતીય સમય અનુસાર બપોરે 12 વાગ્યા સુધીમાં જમા થવી જોઇએ. વિજયી ટેન્ડરની બોલીની જાહેરાત ટેન્ડર અનુસાર જાહેર કરવામાં આવશે.