મહેશ ભૂપતિ અને નેસ્ટર ચેન્નાઇ ઓપનમાંથી બહાર

Published: Friday, January 4, 2013, 13:34 [IST]

ચેન્નાઇ, 4 જાન્યુઆરી: શ્રેષ્ઠ ક્રમના મહેશ ભૂપતિ અને કેનેડાના ડેનિયલ નેસ્ટરની જોડી ચેન્નાઇ ઓપન એટીપી ટેનિસ ટૂર્નામેન્ટમાં હારી ગઇ છે. આની સાથે તેમની જોડી આ ટૂર્નામેન્ટમાંથી બહાર થઇ ગઇ છે.

તેમને રૂસના રાવીન ક્લાસેન અને અમેરિકાના નિકોલસ મોનરોની બિનક્રમાંકિત જોડીએ યુગલ ક્વાર્ટર ફાઇનલમાં 6-4, 7-5થી માત આપી. ખિતાબના પ્રબળ દાવેદાર માનવામાં આવતા ભૂપતિ અને નેસ્ટરને મોડી રાત્રે થયેલા મુકાબલામાં નિષ્ફળતાનો સામનો કરવો પડ્યો. આ મુકાબલો 75 મિનિટ સુધી ચાલ્યો હતો.

પ્રથમ સેટ આરામથી જીત્યા બાદ ક્લાસેન અને મોનરોની જોડી બીજા સેટમાં 0-3થી પાછળ રહી ગયું હતું. બાદમાં તેમણે બાજી સંભાળી લઇ મુકાબલો પોતાના નામે કરી લીધો હતો. આ પહેલા લિએન્ડર પેસ પણ પોતાના જોડિદારની સાથે હારીને બહાર થઇ ચૂક્યા છે. હવે આ વર્ગમાં ભારતની આશા રોહન બોપન્ના પર છે જે રાજીવ રામની સાથે રમશે.

Published On January 4, 2013