વિરાટ કોહલીએ તોડ્યો યુવરાજ સિંહનો રેકોર્ડ

Published: Sunday, July 7, 2013, 17:19 [IST]

પોર્ટ ઓફ સ્પેન, 7 જુલાઇઃ ટીમ ઇન્ડિયાના સુકાની વિરાટ કોહલીએ ગઇકાલે વેસ્ટ ઇન્ડિઝ વિરુદ્ધ રમાયેલી મેચમાં શાનદાર ઇનિંગ રમતા યુવરાજ સિંહના 13 સદીના રેકોર્ડને પાર કરી લીધો છે. વિરાટે સુકાની ઇનિંગ રમતા 102 રન બનાવીને આંતરરાષ્ટ્રીય ક્રિકેટમાં પોતાની 14મી સદી ફટકારી છે.

વિરાટ આ સાથે જ સહેવાગના 15 સદીના રેકોર્ડથી માત્ર એક સદી દૂર છે. ભારત તરફથી વનડેમાં સૌથી વધુ સદી સચિન તેન્ડુલકરે લગાવ્યા છે. તેમણે 463 મેચોમાં શાનદાર પ્રદર્શન કરતા 49 સદી ફટકારી છે. ત્યારબાદ ટીમ ઇન્ડિયાના પૂર્વ સુકાની સૌરવ ગાંગુલીએ 22 સદી લગાવી છે. આ રેકોર્ડની સાથે જ વિરાટ કોહલી ચોથા સ્થાન પર પહોંચી ગયો છે.