IPL-6 : ચેન્નાઇ સુપર કિંગ્સ પાંચમીવાર પહોંચ્યું ફાઇનલમાં

Updated: Wednesday, May 22, 2013, 11:42 [IST]

નવી દિલ્હી, 22 મે : બે વખતની ચેમ્પિયન ચેન્નાઇ સુપર કિંગ્સ ટીમ ઇન્ડિયન પ્રીમિયર લીગની છઠ્ઠી સિઝનના ફાઇનલ રાઉન્ડમાં પહોંચી ગઇ છે. આ ટીમે પોતાની ઓલરાઉન્ડર રમતના જોરે મંગળવારે ફિરોઝશાહ કોટલા મેદાનમાં રમાયેલ પહેલી ક્વોલીફાયર મેચમાં મુંબઇ ઇન્ડિયન્સને 48 રનોથી હરાવી દીધું. સુપર કિંગ્સે સતત બીજીવાર અને કૂલ પાંચમીવાર ફાઇનલમાં સ્થાન મેળવી લીધું છે.

સુપર કિંગ્સ દ્વારા આપવામાં આવેલ 193 રનોના અઘરા લક્ષ્યનો પીછો કરતા મુંબઇની ટીમ 18.4 ઓવરોમાં 144 રન જ બનાવી શકી. ડ્વેન સ્મિથ 68 એકમાત્ર એવા ખેલાડી રહ્યા જેમણે ચેન્નાઇની ટીમ માટે મુશ્કેલી પેદા કરી.

ચેન્નાઇ સુપર કિંગ્સ પાંચમીવાર પહોંચ્યું ફાઇનલમાં

ગયા વર્ષે કોલકાતા નાઇટ રાઇડર્સથી હારીને ખિતાબી હૈટ્રિકથી ચૂકનાર સુપર કિંગ્સ 26 મેના રોજ ઇડન ગાર્ડન્સ સ્ટેડિયમમાં ફાઇનલ મુકાબલો રમશે. જ્યારે મુંબઇની ટીમને ફાઇનલમાં પહોંચવા માટે હજી એક તક મળશે.

મુંબઇની ટીમ ફાઇનલમાં સ્થાન બનાવવા માટે બુધવારે કોટલામાં જ ટકરાનાર રાજસ્થાન રોયલ્સ અને સનરાઇઝર્સ હૈદરાબાદ ટીમોની વચ્ચે યોજાનાર એલિમિનેટર મુકાબલાના વિજેતાથી 24 મેના રોજ ઇડનમાં યોજાનાર બીજા ક્વોલીફાયરમાં 2-2 હાથ કરશે.