CWG 2022: ભારતને મળ્યો ત્રીજો ગોલ્ડ, અચિંતા શુલીએ 73 કિગ્રા વેઈટલિફ્ટિંગમાં જીત્યો સુવર્ણ
કોમનવેલ્થ ગેમ્સ 2022માં ભારતે ત્રીજો ગોલ્ડ મેડલ મેળવ્યો છે.
બર્મિઘમઃ કોમનવેલ્થ ગેમ્સ 2022માં ભારતે ત્રીજો ગોલ્ડ મેડલ મેળવ્યો છે. 20 વર્ષીય અચિંત શુલીએ પુરુષોની વેટલિફ્ટિંગ 73 કિગ્રા વર્ગમાં ગોલ્ડ મેડલ જીત્યો છે. અચિંતાએ સ્નેચમાં રેકોર્ડ 143 કિલો વજન ઉપાડ્યુ જ્યારે તે ક્લીન એન્ડ જર્કમાં 170 કિલો વજન ઉપાડવામાં સફળ રહ્યો. 20 વર્ષીય ખેલાડી અચિંતાએ કુલ રેકોર્ડ 313 કિલો વજન ઉઠાવીને ગોલ્ડ જીત્યો.
2021માં પણ જીત્યો હતો ગોલ્ડ
મલેશિયાની એરી હિદાયત સિલ્વર જીતવામાં સફળ રહી હતી. મલેશિયન એથ્લેટે કુલ 303 કિલો વજન ઉપાડ્યુ. આ સાથે જ કેનેડાને બ્રોન્ઝ મેડલ મળ્યો. તમને જણાવી દઈએ કે વેઈટલિફ્ટિંગની ફાઈનલ મેચની શરૂઆત પહેલા જ અચિંતાને જીતનો પ્રબળ દાવેદાર માનવામાં આવતો હતો. તેણે 2021 કોમનવેલ્થ ગેમ્સમાં પણ ગોલ્ડ મેડલ જીત્યો હતો. એટલુ જ નહિ આ જ વર્ષે શુલીએ જુનિયર વર્લ્ડ ચેમ્પિયનશિપમાં સિલ્વર મેડલ જીત્યો હતો.
ભારતમાં ઝોળીમાં અત્યાર સુધીમાં આવ્યા 6 મેડલ
બર્મિંગહામ ગેમ્સમાં ભારતનો આ છઠ્ઠો મેડલ હતો જેમાં 3 ગોલ્ડ મેડલનો સમાવેશ થાય છે. રસપ્રદ વાત એ છે કે ભારતને તમામ મેડલ માત્ર વેઈટલિફ્ટિંગમાં જ મળ્યા છે. અચિંતા શુલી પહેલા મીરાબાઈ ચાનુ અને જેરેમી લાલરિનુંગાએ પણ વેઈટલિફ્ટિંગમાં ભારત માટે ગોલ્ડ મેડલ જીત્યા હતા. વળી, સંકેત સરગર અને બિંદિયારાની દેવીએ સિલ્વર મેડલ જીત્યો હતો. ગુરુરાજ પૂજારી બ્રોન્ઝ જીતવામાં સફળ રહ્યો હતો. CWG 2022માં વેઈટલિફ્ટિંગમાં સૌથી વધુ મેડલ મેળવનારો દેશ પણ ભારત છે.
મેડલ ભાઈ અને કોચને સમર્પિત
ગોલ્ડ મેડલ જીત્યા બાદ એએનઆઈ સાથે વાત કરતાં અચિંતા શુલીએ કહ્યુ કે હું ખૂબ જ ખુશ છુ. મેં ઘણા સંઘર્ષ બાદ આ મેડલ જીત્યો છે. હું આ મેડલ મારા ભાઈ અને કોચને સમર્પિત કરીશ. તે પછી હું ઓલિમ્પિકની તૈયારી કરીશ.