લાઈવ મેચ દરમિયાન ખેલાડીનું હાર્ટ એટેકથી મોત, ભારતીય ક્રિકેટમાં શોકનો માહોલ
ક્રિકેટના મેદાન પરથી દુખદ સમાચાર સામે આવ્યા છે. કર્ણાટકના ક્રિકેટરનું મેદાન પર જ અવસાન થયુ છે. આ ઘટનાથી ક્રિકેટ ફેન્સમાં શોકનો માહોલ છે.
અહેવાલો અનુસાર, મેદાન પર જીતની ઉજવણી વખતે કે હોયસલાને હાર્ટ એટેક આવ્યો. કર્ણાટક અને તમિલનાડુના ખેલાડીઓ બેંગલુરુના RSI ક્રિકેટ ગ્રાઉન્ડ પર ચાલી રહેલી એજીસ સાઉથ ઝોન ટૂર્નામેન્ટમાં એકબીજા સામે મેચ રમી રહ્યા હતા. કર્ણાટકની ટીમ પણ આ મેચ જીતવામાં સફળ રહી.
કર્ણાટકની જીત બાદ ટીમ સાથે જશ્ન મનાવતા કે હોયસલાને છાતીમાં તીવ્ર દુખાવો થવા લાગ્યો અને તે મેદાન પર બેભાન થઈને પડી ગયો. ત્યાં હાજર ખેલાડીઓએ તરત જ એમ્બ્યુલન્સ બોલાવી અને તેને બેંગલુરુની બોરિંગ હોસ્પિટલમાં લઈ જવામાં આવ્યો. દુખની વાત એ છે કે હોસ્પિટલ લઈ જતા રસ્તામાં જ હાર્ટ એટેક આવતા તેમનું મૃત્યુ થયું.
22મી ફેબ્રુઆરીએ આ ઘટના સામે આવી ત્યારથી જ ક્રિકેટ જગતમાં શોકની લહેર છે. મિડલ ઓર્ડર બેટિંગ ઉપરાંત કે હોયસાલા બોલિંગ પણ કરતો હતો. તેણે અંડર-25માં કર્ણાટક ટીમનું પ્રતિનિધિત્વ કર્યું હતું. આ સિવાય તે કર્ણાટક પ્રીમિયર લીગમાં પણ પોતાના બોલ અને બેટથી જોરદાર પ્રદર્શન કરવામાં સફળ રહ્યો હતો.
અટલ બિહારી મેડિકલ કોલેજના ડાયરેક્ટર ડૉ. મનોજ કુમારે આ બાબતે જણાવ્યું કે, કે હોયસાલાને મૃત લાવવામાં આવ્યા. આ સ્થિતિમાં અમે પોસ્ટમોર્ટમ પૂર્ણ કર્યું છે. હવે રિપોર્ટની રાહ જોવાઈ રહી છે. પરંતુ હાર્ટ એટેકના કારણે તેમનું મૃત્યુ થયું હોવાની સંભાવના પ્રબળ છે.
Click it and Unblock the Notifications
Sign in with Google
