Bhuvneshwar Kumar : ભૂવનેશ્વરે બનાવો વર્લ્ડ રેકોર્ડ, આવું કરનારો બન્યો વિશ્વનો એકમાંત્ર પ્લેયર

Bhuvneshwar Kumar : ટી20 વર્લ્ડ કપની આજે રમાયેલી મેચમાં ભારતે ઝિમ્બાબ્વેને 71 રનથી હરાવ્યું હતું. આ જીત સાથે ભારત ગ્રુપ બીમાં ટોચ પર પહોંચી ગયું છે. આ સાથે સાથે 8 પોઈન્ટ સાથે ભારત પાકિસ્તાનને પછાડી પ્રથમ સ્થાને પહોંચ્યું છે. આ મેચમાં ભારતીય ક્રિકેટ ટીમના ફાસ્ટ બોલર ભૂવનેવશ્વર કુમારે એકલ વિકેટ ઝડપી હતી. જે ટી20 વર્લ્ડ કપમાં ફોર્મમાં જોવા મળી રહ્યો છે. આ મેચમાં ભારતીય ફાસ્ટ બોલરે સુપર 12ની છેલ્લી મેચમાં ઘણા ઓછા રન આપ્યા હતા. આ સાથે તેણે એક મોટો વર્લ્ડ રેકોર્ડ પોતાના નામે કર્યો છે.

ભુવનેશ્વર કુમારનો રેકોર્ડ

ભુવનેશ્વર કુમારે ઝિમ્બાબ્વે સામે રમાયેલી મેચના પહેલા જ બોલ પર વિકેટ લીધી હતી અને આ ઓવરમાં એક પણ રન આપ્યો ન હતો.T20 ક્રિકેટમાં ભુવનેશ્વર કુમારની આ 10મી મેડન ઓવર હતી. ટી-20 ક્રિકેટમાં આવું કારનામું કરનારો તે પ્રથમ બોલર બન્યો છે. ભુવનેશ્વરકુમાર પહેલા કોઈ બોલરે T20 ઈન્ટરનેશનલ ક્રિકેટમાં 10 ઓવર મેઈડન્સ ફેંકી નથી.

જસપ્રીત બુમરાહને પાછળ છોડ્યો

ભુવનેશ્વર કુમારે ટીમ ઈન્ડિયાના ફાસ્ટ બોલર જસપ્રીત બુમરાહને માત આપીને આ મોટો રેકોર્ડ બનાવ્યો છે. આ મેચ પહેલા ભુવનેશ્વર કુમારઅને જસપ્રીત બુમરાહની વચ્ચે 9-9 મેડન ઓવર ટાઈ થઈ હતી. જસપ્રીત બુમરાહે 60 મેચમાં 9 મેડન ઓવર ફેંકી છે, જ્યારે ભુવનેશ્વરકુમારે 84મી મેચમાં આ સિદ્ધિ મેળવી છે.

T20 વર્લ્ડ કપ 2022માં પર્ફોમન્સ

T20 વર્લ્ડ કપ 2022માં ભુવનેશ્વર કુમારે અત્યાર સુધી 5 મેચ રમીને 5.40 ની ઈકોનોમીથી રન આપ્યા છે. આ સાથે ભૂવીએ 4 વિકેટ લીધી છે. ઝિમ્બાબ્વે સામે રમાયેલી મેચમાં પણ ભુવનેશ્વર કુમારે 3 ઓવરમાં માત્ર 11 રન આપ્યા હતા અને 1 વિકેટ લીધી હતી. આ ટુર્નામેન્ટમાં અત્યાર સુધી સૌથી વધુ ડોટ બોલ ફેંકનારો બોલર પણ ભૂવી છે.

English summary

Bhuvneshwar Kumar set a world record, became the only player in the world to do so