હાર્દિક પંડ્યાનો કેચ પકડી ડેવિડ મિલરે રચ્યો ઈતિહાસ, શોએબ મલિકના રેકોર્ડની બરાબરી કરી

નવી દિલ્હીઃ ભારત અને દક્ષિણ આફ્રિકા વચ્ચે 3 મેચની ટી20 સીરિઝની આખરી મેચ રવિવારે બેંગ્લોરના ચિન્નાસ્વામી સ્ટેડિયમમાં રમાઈ હતી. ક્વિંટન ડિકૉકના નેતૃત્વવાળી ટીમે ભારતને 9 વિકેટે હરાવી દીધી. રવિવારનો દિવસ ભલે કેપ્ટન કોહલી માટે ખાસ ન રહ્યો હોય, પરંતુ દક્ષિણ આફ્રિકા માટે આ દિવસ બહુ લકી સાબિત થયો. પહેલા ટૉસ જીતીને કેપ્ટન કોહલીના ખાબ નિર્ણયે સાઉથ આફ્રિકાના હાથમાં જીતની થાળી પીરસી દીધી જે બાદ કેપ્ટન ડિકૉકે કોઈ ભૂલ ન કરતાં આ થાળીને પોતાના હાથમાંથી છૂટવા ન દીધી. પહેલી મેચ જીતી ત્રણ ટી20 ઈન્ટરનેશનલ મેચની સીરિઝને 1-1થી બરાબરી કરી અને પછી સૌથી ઓચી મેચમાં 1000 ટી20 રન પૂરા કરનાર બીજા વિકેટકીપર બન્યા. જ્યારે ડિકૉકની ટીમના સાથી બેટ્સમેન ડેવિલ મિલરે પણ એક વિશાળ રેકોર્ડ પોતાના નામે કરી લીધો છે.

આ મેચ દરમિયાન દક્ષિણ આફ્રિકાના બેટ્સમેન ડેવિડ મિલરે ટી20 આંતરરાષ્ટ્રીય મેચમાં સૌથી વધુ કેચ પકડવાના મામલે પાકિસ્તાનના પૂર્વ કેપ્ટન શોએબ મલિકની બરાબરી કરી લીધી છે. ડેવિડ મિલરે આ કારનામું ભારત વિરુદ્ધ રમાયેલ ત્રીજી ટી20 મેચમાં હાર્દિક પંડ્યાનો કેચ પકડીને કરી બતાવ્યું. હાર્દિક પંડ્યાનો આ કેચ તેમના આંતરરાષ્ટ્રીય ટી20 ક્રિકેટનો 50મો કેચ હતો. ડેવિડ મિલરે 72 મેચમાં 50 કેચ પકડવાનું કારનામું કર્યું હતું જ્યારે શોએબ મલિકે 111 મેચમાં 50 કેચ પકડવાનું કારનામું કર્યું હતું.

ટી20 આંતરરાષ્ટ્રી મેચમાં સૌથી વધુ કેચ પકડવાની યાદીમાં ત્રીજનું નામ સાઉથ આફ્રિકાના જ અબ્રાહમ ડિવિલિયર્સનું છે. એબી ડિવિલિયર્સે પોતાના કરિયર દરમિયાન 44 કેચ પકડ્યા છે. તેમના બાદ રૉસ ટેલર (44) અને સુરેશ રૈના (42)મા નંબર પર આવે છે.

English summary

david miller caught magnificent catch of hardik pandya