Day Night Test: બાંગ્લાદેશને ઝાટકો, 106 રનમાં ઑલ આઉટ

કોલકાતાઃ ભારત અને બાંગ્લાદેશ વચ્ચે ઐતિહાસિક ડે-નાઈટ ટેસ્ટ મેચની જબરદસ્ત શરૂઆત થઈ ગઈ છે. પહેલી ઈનિંગમાં ભારતીય બોલર્સે ધમાલ મચાી રાખી છે અને બાંગ્લાદેશને માત્ર 106 રનમાં જ ઓલ આઉટ કરી દીધું છે. ઈશાંત શર્માએ પહેલી મેચમાં 5 વિકેટ ખેરવી છે.

બાંગ્લાદેશના તમામ બેટ્સમેન નિસ્ફળ સાબિત થયા છે. બાંગ્લાદેશ તરફથી સૌથી વધુ રન શદમાન ઈસ્લામે (29) બનાવ્યા છે જ્યારે લિટન દાસે 24 અને નયીમ હસને 19 રન બનાવ્યા છે. બાંગ્લાદેશના 4 બેટ્સમેન 0 રનમાં જ્યારે 2 બેટ્સમેન 1 રન બનાવી પેવેલિયન ભેગા થઈ ગયા હતા.

જણાવી દઈએ કે પિંક બૉલથી રમાઈ રહેલ આ મેચમાં ઈશાંત શર્માએ 12 ઓવરમાં 22 રન આપી 5 વિકેટ ખેરવી છે જ્યારે ઉમેશ યાદવે 7 ઓવરમાં 29 રન આપી 3 વિકેટ ખેરવી છે અને મોહમ્મદ શામીએ 10.3 ઓવરમાં 36 રન આપી 2 વિકેટ ખેરવી છે. આની સાથે જ ભારતીય ટીમ બાંગ્લાદેશ ટીમને વ્હાઈટ વોશ કરવા તરફ આગળ વધી રહી છે.

English summary

Day Night Test: Bangladesh all out in 106 run