DC vs SRH: દિલ્હીની દબંગ બેટીંગ, હૈદરાબાદને હરાવી પોઇન્ટ ટેબલની ટોચ પર પહોંચ્યું
ઇન્ડિયન પ્રીમિયર લીગ 2021ના બીજા તબક્કામાં સનરાઇઝર્સ હૈદરાબાદ સામે દિલ્હી કેપિટલ્સ વચ્ચે રમાઇ હતી. સનરાઇઝર્સ હૈદરાબાદે ટોસ જીતીને પ્રથમ બેટીંગ કરવાનો નિર્ણય લીધો હતો. પ્રથમ બેટિંગ કરતા સનરાઇઝર્સ હૈદરાબાદે નિર્ધારિત 20 ઓવ
ઇન્ડિયન પ્રીમિયર લીગ 2021ના બીજા તબક્કામાં સનરાઇઝર્સ હૈદરાબાદ સામે દિલ્હી કેપિટલ્સ વચ્ચે રમાઇ હતી. સનરાઇઝર્સ હૈદરાબાદે ટોસ જીતીને પ્રથમ બેટીંગ કરવાનો નિર્ણય લીધો હતો. પ્રથમ બેટિંગ કરતા સનરાઇઝર્સ હૈદરાબાદે નિર્ધારિત 20 ઓવરમાં 9 વિકેટે 134 રન બનાવ્યા હતા. દિલ્હીએ આ ટાર્ગેટનો પીછો કરતા 17.5 ઓવરમાં 139 રન બનાવી આસાન જીત મેળવી હતી
દિલ્હી તરફથી બેટીંગ કરતા શિખર ધવને 37 બોલમાં 42 રન બનાવ્યા હતા. આ ઉપરાંત શ્રેયસ ઐયરે સૌથી વધુ 41 બોલમાં 47 રન તથા કેપ્ટન રિષભ પંતે 21 બોલમાં 35 રન બનાવી દિલ્હીને જીત અપાવી હતી. હૈદરાબાદ તરફથી બોલિંગ કરતા રાશિદ ખાને 1 તથા ખલીલ અહેમદે 1 વિકેટ ઝડપી હતી.
ઉલ્લેખનિય છેકે હૈદરાબાદ તરફથી બેટીંગ કરતા અબ્દુલ સમાદે સૌથી વધુ 28 રનનું યોગદાન આપ્યું હતું. રાશિદ ખાને 22 રનની ઇનિંગ રમી હતી. સાહા અને વિલિયમ્સને 18-18 રન બનાવ્યા હતા. દિલ્હી કેપિટલ્સના બોલરોએ અદભૂત કામ કર્યું. કાગિસો રબાડાએ 3 વિકેટ લીધી હતી. નોર્ખીયા અને અક્ષર પટેલે 2-2 વિકેટ લીધી હતી. નોરખીયાએ 4 ઓવરમાં માત્ર 12 રન આપીને 2 વિકેટ લીધી હતી. અક્ષરે પણ માત્ર 21 રન આપ્યા હતા.
ક્રિકેટ પ્રેમ? સાબિત કરો. માયખેલ ક્રિકેટ ફેન્ટસી ક્રિકેટ રમો