GT vs MI: વરસાદના કારણે ધોવાઇ મેચ તો કઇ ટીમને ફાઇનલમાં રમવાનો મળશે મોકો?
IPL 2023 ની બીજી ક્વોલિફાયર મેચ મુંબઈ ઈન્ડિયન્સ અને ગુજરાત ટાઇટન્સ વચ્ચે શુક્રવારે એટલે કે 26 મેના રોજ રમાશે. મુંબઈ ઈન્ડિયન્સે લખનૌ સુપર જાયન્ટ્સ સામે 81 રને જીત મેળવીને ક્વોલિફાયર 2 માં પોતાનું સ્થાન નક્કી કર્યું છે. મુંબઈની ટીમ બોલ અને બેટથી સતત પ્રદર્શન કરી રહી છે.
ગુજરાત-મુંબઈ વચ્ચે મુકાબલોઃ ચેન્નાઈ સુપર કિંગ્સની ટીમ IPLની 16મી સિઝનની ફાઇનલમાં પહોંચી ગઈ છે. બીજી તરફ ગુજરાત અને મુંબઈની વિજેતા ટીમ આ સિઝનમાં IPLની ફાઈનલ રમશે. ગુજરાત સામે મુંબઈનું પ્રદર્શન વધુ સારું રહ્યું છે. આ બંને ટીમો વચ્ચે અત્યાર સુધીમાં કુલ ત્રણ મેચ રમાઈ છે. જેમાંથી મુંબઈએ બે જીત મેળવી છે.
પીચ રિપોર્ટ શું કહે છે?: નરેન્દ્ર મોદી સ્ટેડિયમની પીચ બેટ્સમેનો માટે સારી રહી છે. એકવાર આ પીચ પર બેટ્સમેન સેટ થઈ જાય પછી તે સરળતાથી મોટો સ્કોર કરી શકે છે. શુબમન ગીલે તેના હોમ ગ્રાઉન્ડ પર ગુજરાત માટે સૌથી વધુ રન બનાવ્યા છે. સાથે જ બોલરોને નવા બોલથી સ્વિંગ મળવાની પણ શક્યતાઓ છે.
હવામાન અહેવાલ જાણો: મુંબઈ ઈન્ડિયન્સ અને ગુજરાત ટાઇટન્સ વચ્ચેની મેચના દિવસે હવામાન સ્વચ્છ રહેવાની અપેક્ષા છે. જો કે કેટલાક વાદળો ચોક્કસ આકાશમાં મંડરાતા જોવા મળશે. હવામાન વિભાગની આગાહી મુજબ, 26 મેના રોજ વરસાદની 20 ટકા સંભાવના છે. આવી સ્થિતિમાં ચાહકોને 20-20 ઓવરની સંપૂર્ણ મેચ જોવા મળી શકે છે.
જો વરસાદ પડે તો આ ટીમ માટે ફાયદો: જો ગુજરાત ટાઇટન્સ અને મુંબઈ ઈન્ડિયન્સ વચ્ચેની ક્વોલિફાયર 2 ધોવાઈ જાય, તો હાર્દિક પંડ્યાની ટીમ સીએસકે સામેની ફાઈનલ માટે ક્વોલિફાય થઈ જશે જેના કારણે તેનો લીગ સ્ટેજ વધુ સારો રહેશે. વરસાદના કારણે મુંબઈની ટીમ રેસમાંથી બહાર થઈ જશે. પરંતુ આવું થવાની શક્યતાઓ ઘણી ઓછી છે.
Click it and Unblock the Notifications
Sign in with Google
