Champions trophy 2025 final : ચેમ્પિયન ટ્રોફી ફાઈનલમાં કઈ ટીમ જીતશે? જાણો શું કહે છે ફલોદી સટ્ટા બજાર?

Champions trophy 2025 final : 9 માર્ચે ICC ચેમ્પિયન્સ ટ્રોફી 2025ની ફાઈનલમાં ભારત અને ન્યૂઝીલેન્ડ વચ્ચે ટક્કર થશે. આ મેચ દુબઈ ઈન્ટરનેશનલ સ્ટેડિયમમાં ભારતીય સમય પ્રમાણે બપોરે 2:30 વાગ્યે શરૂ થશે.

ક્રિકેટ પ્રેમીઓ અને સટ્ટા બજાર બંને માટે આ ફાઈનલ મહત્વની છે. લોકોની નજર ફલોદી બજારની આગાહી પર છે. ફલોદી સટ્ટાબાજાર મુજબ ભારત માટે રેટ 1.42 થી 1.47 પૈસા વચ્ચે છે, જ્યારે ન્યૂઝીલેન્ડ માટે 3.15 થી 3.40 પૈસાની વચ્ચે છે.

સટ્ટાબાજીની શરતો અનુસાર, નીચા રેટ ધરાવતી ટીમના જીતવાના ચાન્સ વધુ હોય છે. તેથી ફલોદી બજારના અનુમાન અનુસાર ભારત જીત માટે ફેવરિટ છે.

ફક્ત ફલોદી બજાર જ નહીં પરંતુ Google Win Probability પણ ભારત માટે 69% અને ન્યૂઝીલેન્ડ માટે 31% સંભાવના દર્શાવે છે. Google આ અંદાજો પિચની પરિસ્થિતિ, પ્લેયર્સના ફોર્મ અને અન્ય મેટ્રિક્સના આધારે આપે છે.

ભારત અને ન્યૂઝીલેન્ડ 25 વર્ષ પછી ફરી એકવાર ICC ચેમ્પિયન્સ ટ્રોફીની ફાઈનલમાં સામસામે છે. 25 વર્ષ પહેલા ન્યૂઝીલેન્ડે જીત મેળવી હતી અને હવે ભારત પાસે બદલો લેવાનો મોકો છે.

ફલોદી બજાર અને Google ની આગાહીઓ છતાં ક્રિકેટ એ સસ્પેન્સનો ખેલ છે. 9 માર્ચના રોજ દુબઈમાં આ હાઇ-વોલ્ટેજ મુકાબલો હશે અને અંતિમ પરિણામ મેદાન પરના પ્રદર્શન પર આધાર રાખશે.

English summary

ICC Champions Trophy 2025 Final: India vs New Zealand Prediction & Betting Odds