IND vs AUS : ઈન્દોર ટેસ્ટમાં ભારતનો ધબડકો, 109 રનમાં ઓલઆઉટ
IND vs AUS : ઈન્દોર ટેસ્ટ પહેલા જ ટીમ ઈન્ડિયાનો પ્રથમ દાવ 109 રનમાં સમેટાઈ ગઇ છે. ભારતે ટોસ જીતીને પ્રથમ બેટિંગ કરવાનો નિર્ણય કર્યો હતો. વિરાટ કોહલીએ સૌથી વધુ 22 રન બનાવ્યા હતા. જે બાદ સમગ્ર ટીમ 109 ઓલઆઉટ થઇ ગઇ હતી.
IND vs AUS : બોર્ડર-ગાવસ્કર ટ્રોફીના પહેલા બે ટેસ્ટ મેચ હાર્યા બાદ ઓસ્ટ્રેલિયન ટીમે ઈન્દોરમાં રમાનારી ત્રીજી ટેસ્ટમાં શાનદાર વાપસી કરી છે. ઈન્દોર ટેસ્ટના પહેલા દિવસે ઓસ્ટ્રેલિયન બોલર્સે ભારતની આખી ટીમને 109 રનમાં પેવેલિયન ભેગી કરી દીધી હતી.
ભારતીય બેટ્સમેનો ઓસ્ટ્રેલિયન સ્પિનરો સામે એટલા લાચાર દેખાતા હતા કે, તેઓ બે સેશન સુધી બેટિંગ પણ કરી શક્યા ન હતા અને લંચના એક કલાકમાં જ આખી ટીમ ઓલઆઉટ થઈ ગઈ હતી. ભારત તરફથી વિરાટ કોહલીએ સૌથી વધુ 22 રનની ઇનિંગ રમી હતી. તે જ સમયે કેએલ રાહુલની જગ્યાએ પ્લેઈંગ ઈલેવનમાં સામેલ શુભમન ગિલ માત્ર 21 રન બનાવી શક્યો હતો. ઓસ્ટ્રેલિયા તરફથી મેથ્યુ કુહનેમેને પાંચ વિકેટ લીધી હતી.
રોહિત શર્માની બે જીવનદાન બાદ પણ ફ્લોપ ઇનિંગ
ઉલ્લેખનીય છે કે, ભારતીય કેપ્ટન રોહિત શર્માએ ઈન્દોર ટેસ્ટમાં ટોસ જીતીને પહેલા બેટિંગ કરવાનો નિર્ણય લીધો હતો, પરંતુ રોહિતનો આ નિર્ણય સાચો સાબિત થયો ન હતો. રોહિત શર્મા મિચેલ સ્ટાર્કની પહેલી જ ઓવરથી સંઘર્ષ કરતો જોવા મળ્યો હતો. સ્ટાર્કની પહેલી જ ઓવરમાં રોહિત શર્મા બે વખત આઉટ થયો હતો, પરંતુ ઓસ્ટ્રેલિયા તરફથી ડીઆરએસ ન લેવાને કારણે તેને તે લાઈફલાઈન મળી હતી, પરંતુ રોહિત તેનો લાભ લઈ શક્યો ન હતો. રોહિત શર્મા છઠ્ઠી ઓવરના છેલ્લા બોલ પર મેથ્યુ કુહનેમેને આઉટ થયો હતો. તેને એલેક્સ કેરીએ સ્ટમ્પ કર્યા હતા. રોહિતે 23 બોલમાં માત્ર 12 રન બનાવ્યા હતા.
આવી રીતે વેરવિખેર થઇ ભારતની ઇનિંગ્સ
રોહિત શર્માની સાથે શુભમન ગિલ પણ આજે કંઈ ખાસ કરી શક્યો નથી. શુબમન ગિલને કેએલ રાહુલની જગ્યાએ પ્લેઈંગ ઈલેવનમાં સામેલ કરવામાં આવ્યો છે, પરંતુ તે 18 બોલમાં 21 રન બનાવીને આઉટ થઈ ગયો હતો. ગિલે તેની ટૂંકી ઇનિંગ્સમાં ચોક્કસપણે 3 ચોગ્ગા ફટકાર્યા હતા. ગિલની વિકેટ પણ મેથ્યુ કુહનેમેને લીધી હતી.
ગિલના આઉટ થયા બાદ ચેતેશ્વર પૂજારા પણ 4 બોલનો સામનો કર્યા બાદ માત્ર 1 રન બનાવીને પેવેલિયન પરત ફર્યો હતો. તેની વિકેટ નાથન લિયોને લીધી હતી. પૂજારાના આઉટ થયા બાદ ભારતને રવિન્દ્ર જાડેજાના રૂપમાં ચોથો ઝટકો લાગ્યો હતો. જાડેજા 4 રન બનાવીને આઉટ થયો હતો. જાડેજા બાદ શ્રેયસ અય્યર ખાતું પણ ખોલાવી શક્યો ન હતો અને બે બોલ રમીને જ પેવેલિયન પરત ફર્યો હતો.
ક્રિકેટ પ્રેમ? સાબિત કરો. માયખેલ ક્રિકેટ ફેન્ટસી ક્રિકેટ રમો