IND vs AUS, India vs Australia 3rd ODI : ભારત પહેલીવાર કરશે ઓસ્ટ્રેલિયાને ક્લિન સ્વીપ, કેપ્ટન રચશે ઇતિહાસ
IND vs AUS, India vs Australia 3rd ODI : ભારત અને ઓસ્ટ્રેલિયા વચ્ચે સિરીઝની ત્રીજી મેચ બુધવારના રોજ રમવામાં આવશે. ભારતીય ક્રિકેટ ટીમમાં કેપ્ટન રોહિત શર્માની આ મેચ દ્વારા વાપસી કરશે.
ઉલ્લેખનીય છે કે, રોહિત શર્મા સાથે સાથે વિરાટ કોહલી, હાર્દિક પંડ્યા, કુલદીપ યાદવ અને જસપ્રીત બુમરાહ જેવા દિગ્ગજો પણ આ મેચમાં ભારતીય ટીમમાં જોડાશે.
ભારતે જીતી લીધી સિરીઝ - સિરીઝની પ્રથમ બે મેચ જીત્યા બાદ ભારતીય ટીમનું મનોબળ ઉંચુ છે. ભારતીય ટીમ સિરીઝની ત્રીજી મેચ પણ જીતવા માંગશે. બીજી તરફ ઓસ્ટ્રેલિયા ત્રીજી મેચ જીતીને પોતાનું સન્માન બચાવવાનો પ્રયાસ કરશે. ભારતને ODI ઈતિહાસમાં પ્રથમ વખત ઓસ્ટ્રેલિયા સામે ક્લીન સ્વીપ કરવાની તક મળશે.
ક્યારેય ક્લીન સ્વીપ હાંસલ કરી શક્યું નથી - ભારત ક્યારેય ઓસ્ટ્રેલિયા સામે ODI ફોર્મેટમાં ક્લીન સ્વીપ જીત હાંસલ કરી શક્યું નથી. રોહિત શર્મા તેની કેપ્ટનશીપમાં ઓસ્ટ્રેલિયા સામેની વનડે સિરીઝ 3-0 થી જીતવા માંગે છે. ભારતીય ટીમ માટે અત્યાર સુધીની સિરીઝ શાનદાર રહી છે.
ભારતે વર્લ્ડ કપમાં પોતાની પ્રથમ મેચ 8 ઓક્ટોબરના રોજ ચેન્નાઈના મેદાનમાં ઓસ્ટ્રેલિયા સામે રમવાની છે. આવી સ્થિતિમાં ભારત માટે ઓસ્ટ્રેલિયા સામે મેન્ટલ એજ મેળવવાની આ શાનદાર તક છે.
ભારતીય ખેલાડીઓ ફોર્મમાં - ભારતીય ટીમના મોટાભાગના ખેલાડીઓ હાલમાં ફોર્મમાં જોવા મળી રહ્યા છે. શ્રેયસ અય્યર, શુભમન ગિલ, કેએલ રાહુલ, ઈશાન કિશન અને સૂર્યકુમાર યાદવે પોતાનું ફોર્મ બતાવ્યું છે.
હવે ત્રીજી મેચમાં કેપ્ટન રોહિત શર્મા અને વિરાટ કોહલીના બેટમાંથી રનની અપેક્ષા રાખવામાં આવશે. આ બંને ખેલાડીઓ વર્લ્ડ કપની દ્રષ્ટિએ ભારતીય ટીમના મહત્વના બેટ્સમેન છે, તેથી આ બંને બેટ્સમેન વર્લ્ડ કપ પહેલા પોતાનું ફોર્મ પાછું મેળવવા ઈચ્છે છે.
Click it and Unblock the Notifications
Sign in with Google
