IND vs AUS: રોહિત શર્માની ફિટનેસને લઇ કપિલ દેવે ઉઠાવ્યા સવાલ
ઓસ્ટ્રેલિયા સામેની ટેસ્ટ શ્રેણીમાં ટીમ ઈન્ડિયાએ અત્યાર સુધી શાનદાર પ્રદર્શન કર્યું છે. ટીમે ચાર મેચોની શ્રેણીની પ્રથમ બે મેચ જીતી લીધી છે.
ભારતીય ટીમ હાલમાં ઓસ્ટ્રેલિયા સામે ચાર મેચની ટેસ્ટ શ્રેણી રમી રહી છે. પ્રથમ બે ટેસ્ટ મેચ જીત્યા બાદ હવે ભારતની નજર ત્રીજી ટેસ્ટ જીતીને સિરીઝ કબજે કરવા પર રહેશે. ભારત અને ઓસ્ટ્રેલિયા વચ્ચે ત્રીજી ટેસ્ટ મેચ ઈન્દોરમાં રમાવાની છે. આ દરમિયાન પૂર્વ ભારતીય કેપ્ટન કપિલ દેવે ફરી એકવાર ભારતીય કેપ્ટન રોહિત શર્માની ફિટનેસ પર નિશાન સાધતા મોટું નિવેદન આપ્યું છે.
રોહિત શર્માએ ફિટનેસ પર કામ કરવાની જરૂર
નાગપુરમાં રમાયેલી પ્રથમ ટેસ્ટ મેચમાં ભારતીય કેપ્ટન રોહિત શર્માએ સદી ફટકારીને શ્રેણીની શરૂઆત કરી હતી. આ શ્રેણીમાં તે એકમાત્ર એવો ખેલાડી છે જે અત્યાર સુધી સદી ફટકારવામાં સફળ રહ્યો છે. આમ છતાં પૂર્વ ભારતીય કેપ્ટન કપિલ દેવ રોહિત શર્માથી ખુશ નથી. કપિલ દેવના કહેવા પ્રમાણે, રોહિત શર્માને તેની ફિટનેસ પર ઘણું કામ કરવાની જરૂર છે. કપિલે કહ્યું કે રોહિત મેદાન પર વધુ વજનદાર લાગે છે.
જો તમે ફિટ નથી તો શરમની વાત છે
એબીપી ન્યૂઝ પર વાતચીત દરમિયાન, કપિલ દેવે આગ્રહ કર્યો કે રોહિતને તેની ફિટનેસ પર કામ કરવાની જરૂર છે. ટીમના કેપ્ટન માટે ફિટ હોવું ખૂબ જ જરૂરી છે. જો તમે ફિટ ન હોવ તો તે શરમજનક છે. રોહિતને આના માટે સખત મહેનત કરવાની જરૂર છે. તે એક મહાન બેટ્સમેન છે, પરંતુ જ્યારે તમે તેની ફિટનેસની વાત કરો છો, તો તેના શરીર પર ઘણું વજન છે. ઓછામાં ઓછું તે ટીવી પર જેવો દેખાય છે.
કોહલીની ફિટનેસના કર્યા વખાણ
કપિલ દેવે વધુમાં કહ્યું કે જ્યારે પણ તમે વિરાટને જુઓ છો ત્યારે કહો છો કે તે ફિટ ખેલાડી છે. જણાવી દઈએ કે ઓસ્ટ્રેલિયા સામેની સીરીઝમાં લગભગ 11 મહિના બાદ રોહિત ભારતીય ટેસ્ટ ટીમમાં પરત ફર્યો છે. આંગળીમાં ઈજાના કારણે રોહિત બાંગ્લાદેશ સામેની બે ટેસ્ટ મેચની શ્રેણીમાં ભાગ લઈ શક્યો ન હતો. રોહિત બેટથી શાનદાર પ્રદર્શન કરી રહ્યો છે. પરંતુ કપિલ દેવને લાગે છે કે રોહિતે તેની ફિટનેસ પર કામ કરવું જોઈએ. રોહિત શર્મામાં કોઈ કમી નથી. તેની પાસે બધુ જ છે પરંતુ મને અંગત રીતે લાગે છે કે તેની ફિટનેસ પર એક મોટું પ્રશ્ન ચિહ્ન છે.
Click it and Unblock the Notifications
Sign in with Google
