IND vs ENG: જો રૂટે 100 ટેસ્ટ પૂરા કર્યા, આવું કરનાર પહેલો ક્રિકેટર બન્યો

ભારત અને ઈંગ્લેન્ડ વચ્ચે ચાર મેચની ટેસ્ટ સિરીઝની આજે ચેન્નઈમાં શરૂઆત થઈ ગઈ છે. સિરીઝની પહેલી મેચ ઈંગ્લેન્ડ ટેસ્ટ કેપ્ટન જો રૂટ માટે બહુ મહત્વની છે. કેમ કે પોતાના ટેસ્ટ કરિયરમાં જો રૂટે એક ખાસ રેકોર્ડ પોતાના નામે કર્યો છે. આ તેમના કરિયરની 100મી મેચ છે. તેમણે ભારતીય જમીન પર ઈંગ્લેન્ડ માટે પોતાની પહેલી ટેસ્ટ રમી અને ભારતીય જમી પર પોતાના કરિયરની 50 ટેસ્ટ પણ રમી. આની સાથે જ જો રૂટે પોતાના નામે એક ખાસ રેકોર્ડ નોંધાવી લીધી છે.

જો રૂટે પોતાના કરિયરની 100મી ટેસ્ટ મેચ પણ ભારતીય જમીન પર જ રમી છે. તેમણે ભારત વિરુદ્ધ 2012માં નાગપુરમાં ટેસ્ટમાં ડેબ્યૂ કર્યું હતું. અને આજે ચેન્નઈમાં પોતાની 100મી ટેસ્ટ મેચ રમી રહ્યા છે. જણાવી દઈએ કે 100 ટેસ્ટ રમનાર જો રૂટ 15મા ઈંગ્લિશ ક્રિકેટર બની ગયા.

આ ઉપરાંત રૂટે વધુ એક રેકોર્ડ પોતાના નામે કર્યો. રૂટ હવે એક જ વિદેશી દેશમાં પહેલી અને 100મી ટેસ્ટ રમનાર દુનિયાના ત્રીજા ખેલાડી બની ગયા. રૂટ પહેલાં કપિલ દેવ અને વિંડીઝના પૂર્વ કેપ્ટન કાર્લ હૂપરે આ કમાલ કર્યો હતો. કપિલ દેવ પોતાના કરિયરની પહેલી અને 100મી ટેસ્ટ મેચ પાકિસ્તાનમાં રમ્યા હતા. જ્યારે કાર્લ હૂપરે ભારતમાં પોતાના કરિયરની પહેલી અને 100મી ટેસ્ટ રમી હતી.

જણાવી દઈએ કે રૂટે ટેસ્ટ ક્રિકેટમાં અત્યાર સુધી 8249 રન બનાવ્યા છે, જેમાં 19 સદી અને 49 ફીફ્ટી સામેલ છે. જ્યારે ઈંગ્લેન્ડ માટે ટેસ્ટમાં સૌથી વધુ રન બનાવનાર ચોથા બેટ્સમેન છે. રૂટથી આગળ એલિસ્ટર કુક(12472 રન), ગ્રાહમ ગૂચ(8900 રન) અને એલેક સ્ટીવર્ટ(8463 રન) છે.

English summary

IND vs ENG: Joe Root played 1st test and 50th test in india, now playing 100th