IND vs NZ: ક્યારે અને ક્યાં રમાશે ભારત-ન્યુઝીલેન્ડ વચ્ચે પ્રથમ ODI મેચ, જાણો અહીં
IND vs NZ 1st ODI: ભારતીય ક્રિકેટ ચાહકો માટે નવા વર્ષની શરૂઆત ખૂબ જ ધમાકેદાર રહેવાની છે. ટીમ ઇન્ડિયા વર્ષ 2026ની પોતાની પ્રથમ વન-ડે સિરીઝ ન્યૂઝીલેન્ડ સામે રમવા જઈ રહી છે. ન્યૂઝીલેન્ડની ટીમ ભારત પ્રવાસે આવી રહી છે, જ્યાં બંને ટીમો વચ્ચે હાઈ-વોલ્ટેજ વન-ડે શ્રેણી ખેલાશે. આ સિરીઝની પ્રથમ મેચ ગુજરાતના વડોદરામાં યોજાવાની હોવાથી સ્થાનિક ચાહકોમાં ભારે ઉત્સાહ જોવા મળી રહ્યો છે.
IND vs NZ: ક્યારે અને કેટલા વાગ્યે શરૂ થશે મેચ?
ભારત અને ન્યૂઝીલેન્ડ વચ્ચેની પ્રથમ વન-ડે મેચ 11 જાન્યુઆરી, રવિવારના રોજ રમાશે. રજા હોવાથી સ્ટેડિયમમાં મોટી સંખ્યામાં પ્રેક્ષકો ઉમટી પડશે તેવી શક્યતા છે. મેચનો પ્રારંભ ભારતીય સમય અનુસાર બપોરે 1:30 વાગ્યે થશે.
IND vs NZ: મેચ ક્યાં રમાશે? (Venue)
શ્રેણીની પ્રથમ મેચ વડોદરાના બીસીએ (BCA) સ્ટેડિયમ ખાતે રમાશે. વડોદરાનું આ નવનિર્મિત સ્ટેડિયમ આંતરરાષ્ટ્રીય સ્તરની સુવિધાઓથી સજ્જ છે અને લાંબા સમય બાદ અહીં કોઈ મોટો મુકાબલો યોજાવા જઈ રહ્યો છે.
IND vs NZ:ક્યાં જોઈ શકાશે લાઈવ પ્રસારણ?
જો તમે મેદાન પર જઈને મેચ જોઈ શકતા નથી, તો ઘરે બેઠા પણ લાઈવ લિજ્જત માણી શકો છો.
- ટીવી પર: સ્ટાર સ્પોર્ટ્સ નેટવર્ક (Star Sports) ની વિવિધ ચેનલો પર મેચનું સીધું પ્રસારણ થશે.
- મોબાઈલ પર: સ્માર્ટફોન યુઝર્સ JioHotstar એપ્લિકેશન પર મેચનું લાઈવ સ્ટ્રીમિંગ જોઈ શકશે (નોંધ: આ માટે સબ્સ્ક્રિપ્શન હોવું જરૂરી છે).
IND vs NZ: કોણ છે મજબૂત?
ભારતીય ટીમ પોતાના હોમ ગ્રાઉન્ડ પર રમી રહી હોવાથી તેનું પલડું ભારે માનવામાં આવી રહ્યું છે. ટીમમાં રોહિત શર્મા અને વિરાટ કોહલી જેવા અનુભવી ખેલાડીઓની હાજરીથી બેટિંગ લાઇન-અપ ખૂબ મજબૂત દેખાઈ રહી છે. જોકે, ન્યૂઝીલેન્ડની ટીમ હંમેશા ભારત માટે પડકારરૂપ સાબિત થાય છે, તેથી રવિવારે કાંટાની ટક્કર જોવા મળી શકે છે.
Click it and Unblock the Notifications
Sign in with Google
