IND vs NZ Final: ન્યુઝીલેન્ડે જીત્યો ટોસ, ભારત પહેલા કરશે બેટિંગ, જાણો પ્લેઈંગ 11
IND vs NZ Final: T20 વર્લ્ડ કપનો અંતિમ પડાવ આજે આવી ગયો છે. એક મહિના સુધી 20 ટીમો વચ્ચેની ટક્કર બાદ હવે ભારત અને ન્યૂઝીલેન્ડની ટીમો વચ્ચે ફાઈનલ મુકાબલો રમાઈ રહ્યો છે. આજે 20 ઓવરના ફોર્મેટમાં નવી ચેમ્પિયન ટીમ મળી જશે. બંને ટીમો ખૂબ જ મજબૂત દેખાઈ રહી છે. ફાઈનલ મેચમાં ન્યૂઝીલેન્ડે ટોસ જીતીને પ્રથમ બોલિંગ કરવાનો નિર્ણય લીધો છે. ન્યૂઝીલેન્ડની ટીમમાં જેકબ ડફીની વાપસી થઈ છે, જ્યારે મેકોન્ચીને ટીમમાંથી બહાર રાખવામાં આવ્યા છે. બીજી તરફ ટીમ ઈન્ડિયામાં અભિષેક શર્માને ફરી એકવાર તક આપવામાં આવી છે.
ભારત અને ન્યૂઝીલેન્ડની ટીમો લીગ સ્ટેજ પર અલગ-અલગ ગ્રુપમાં હતી, જેના કારણે ત્યાં બંને વચ્ચે કોઈ મેચ જોવા મળી નહોતી. સુપર-8માં આવ્યા બાદ ન્યૂઝીલેન્ડે અલગ જ પ્રકારની રમત બતાવી છે. જે રીતે સેમિફાઈનલમાં દક્ષિણ આફ્રિકાને હરાવ્યું, તે એક ઉચ્ચ સ્તરનું પ્રદર્શન હતું.
બીજી તરફ, ટીમ ઈન્ડિયાને લીગ રાઉન્ડથી લઈને સેમિફાઈનલ સુધી માત્ર એક જ મેચમાં હારનો સામનો કરવો પડ્યો છે. સેમિફાઈનલમાં ઈંગ્લેન્ડ સામે ભારતને 7 રને રોમાંચક જીત મળી હતી. ફાઈનલ જીતવા માટે ટીમ ઈન્ડિયાએ પોતાની બોલિંગમાં દમ બતાવવો પડશે.
આંકડા ભારતની વિરુદ્ધ
હાર્દિક પંડ્યા બોલિંગમાં સારું પ્રદર્શન કરી રહ્યો છે પરંતુ બેટિંગમાં તે કંઈ ખાસ કરી શક્યો નથી. જો ફાઈનલમાં તે લયમાં પરત ફરે તો ભારતને મોટો ફાયદો થઈ શકે છે. સંજુ સેમસનનું ફોર્મ ટીમ ઈન્ડિયા માટે સારા સંકેત છે, પરંતુ આંકડા ન્યૂઝીલેન્ડના પક્ષમાં છે. T20 વર્લ્ડ કપના ઈતિહાસમાં ભારત અત્યાર સુધી ક્યારેય ન્યૂઝીલેન્ડને હરાવી શક્યું નથી.
2023નો એ કાળો દિવસ
અમદાવાદના નરેન્દ્ર મોદી સ્ટેડિયમમાં ભારતનો ઈતિહાસ ઘણો ખરાબ રહ્યો છે. 2023ના વર્લ્ડ કપ ફાઈનલમાં ઓસ્ટ્રેલિયા સામે ભારતને અહીં જ હારનો સામનો કરવો પડ્યો હતો. આજે જીત મેળવવા માટે ટીમ ઈન્ડિયાએ ચોક્કસપણે મેદાન પર કંઈક અલગ કરી બતાવવું પડશે.
બંને ટીમોની પ્લેઈંગ XI
ભારત (Playing XI): અભિષેક શર્મા, સંજુ સેમસન (વિકેટકીપર), ઈશાન કિશન, સૂર્યકુમાર યાદવ (કેપ્ટન), તિલક વર્મા, હાર્દિક પંડ્યા, શિવમ દુબે, અક્ષર પટેલ, વરુણ ચક્રવર્તી, અર્શદીપ સિંહ, જસપ્રીત બુમરાહ.
ન્યૂઝીલેન્ડ (Playing XI): ટિમ સાઈફર્ટ (વિકેટકીપર), ફિન એલન, રચિન રવિન્દ્ર, ગ્લેન ફિલિપ્સ, માર્ક ચેપમેન, ડેરીલ મિશેલ, જેમ્સ નીશમ, મિશેલ સેન્ટનર (કેપ્ટન), મેટ હેનરી, લોકી ફર્ગ્યુસન, જેકબ ડફી.
Click it and Unblock the Notifications
Sign in with Google
