IND vs PAK, Shubman Gill: શુભમન ગિલ આજની મેચ રમે તો ભારતને મળશે મજબુત શરૂઆત
IND vs PAK, Shubman Gill: આજે ભારત અને પાકિસ્તાન વચ્ચે વિશ્વ કપ 2023ની મેચ અમદાવાદના નરેન્દ્ર મોદી સ્ટેડિયમમાં રમાશે. આ પહેલા ભારતીય ફેન્સ માટે સારા સમાચાર સામે આવી રહ્યા છે. આ શુભ સમાચાર ભારતીય ક્રિકેટ ટીમના સ્ટાર ઓપનર સાથે જોડાયેલા છે.
શનિવારના રોજ એટલે કે 14 ઓક્ટોબરના રોજ વર્લ્ડ કપ 2023ની મેગા મેચમાં ભારતનો મુકાબલો પાકિસ્તાન સામે થવા જઈ રહ્યો છે, જેની સમગ્ર ક્રિકેટ જગત આતુરતાથી રાહ જોઈ રહ્યું છે.
ભારત માટે સારા સમાચાર એ છે કે, છેલ્લા કેટલાક દિવસોથી ડેન્ગ્યુથી પીડિત શુભમન ગિલ 99 ટકા ફિટ છે, અને તે મેગા મેચમાં પસંદગી માટે ઉપલબ્ધ રહેશે.
ડેન્ગ્યુના કારણે શુભમન ગિલ છેલ્લી બે શરૂઆતી મેચ રમી શક્યો ન હતો. જોકે, તાજેતરની સ્થિતિ પછી, હવે સૌથી મોટો પ્રશ્ન એ છે કે, આ ઓપનર અંગે મેનેજમેન્ટ શું નિર્ણય લેશે.
શુભમન ગિલના સ્થાને ઇનિંગની શરૂઆત કરનારા ઇશાન કિશન જ્યારે ઓસ્ટ્રેલિયા સામે સસ્તામાં આઉટ થયો, ત્યારે તમામ ચાહકો શુભમન ગિલને ખૂબ મિસ કરતા હતા. અફઘાનિસ્તાન સામેની બીજી મેચમાં ઈશાને 47 રન બનાવીને સરભર કરવાનો પ્રયાસ કર્યો હતો, પરંતુ શુભમન ગિલ હેડલાઇન્સમાં રહ્યો હતો. કારણ કે, તાજેતરના સમયમાં તેનું પ્રદર્શન ઘણું શાનદાર રહ્યું છે.
શુભમન ગિલ પાકિસ્તાન સામેની વર્લ્ડ કપ મેચ માટે પ્લેઈંગ ઈલેવનમાં પરત ફરવા માટે તૈયાર છે. ડેન્ગ્યુના કારણે શુભમન પ્રથમ બે મેચ રમી શક્યો નથી. 99 ટકા સમય તે આજની રમત માટે ઉપલબ્ધ છે.
કેપ્ટન રોહિત શર્માએ કહ્યું કે, ગિલ શુક્રવારના રોજ નેટ્સમાં પ્રેક્ટિસ દરમિયાન સારા ફોર્મમાં જોવા મળ્યો હતો. ગિલે જે રીતે નેટ્સમાં બોલરોનો સામનો કર્યો હતો, તેનાથી એવું લાગતું ન હતું કે, ગયા રવિવારે તેને ડેન્ગ્યુને કારણે હોસ્પિટલમાં દાખલ કરવામાં આવ્યો હતો. ગિલની રમત અંગેનો નિર્ણય મેચ પહેલા લેવામાં આવશે.
Click it and Unblock the Notifications
Sign in with Google
