IND vs SA: દક્ષિણ આફ્રિકાએ ભારત સામે ટોસ જીત્યો, બેટિંગ કરવાનો લીધો નિર્ણય

By Desk

Published: Sunday, February 22, 2026, 19:03 [IST]

IND vs SA: ભારત અને દક્ષિણ આફ્રિકા વચ્ચે આજે સુપર-8 તબક્કાનો મુકાબલો રમાઈ રહ્યો છે. ટી20 વર્લ્ડ કપની આ સીઝનમાં બંને ટીમો વચ્ચેની આ પ્રથમ મેચ છે. ભારતીય ટીમે લીગ સ્ટેજમાં ચાર મેચ જીતી હતી, તો સામે આફ્રિકાએ પણ પોતાના ગ્રુપમાં ધમાલ મચાવી હતી. આ મેચમાં દક્ષિણ આફ્રિકાએ ટોસ જીતીને પહેલા બેટિંગ કરવાનો નિર્ણય લીધો છે.

અમદાવાદના નરેન્દ્ર મોદી સ્ટેડિયમની પિચ બેટિંગ માટે સાનુકૂળ માનવામાં આવે છે. બંને ઇનિંગ્સ દરમિયાન પિચનું વર્તન સમાન રહેવાની પૂરી સંભાવના છે. જોકે ભારતીય ટીમનું પલડું ભારે માનવામાં આવે છે, પરંતુ દક્ષિણ આફ્રિકાની ટીમને પણ ઓછી આંકી શકાય તેમ નથી.

ભારતીય ટીમના ઓપનર બેટ્સમેન અભિષેક શર્મા પર ફરી એકવાર સૌની નજર રહેશે. અભિષેક શર્મા છેલ્લા ત્રણ મેચમાં ખાતું ખોલાવી શક્યા નથી, જેના કારણે તેમના પર દબાણ રહેશે. જોકે, તેઓ આ મુશ્કેલ પરિસ્થિતિમાંથી બહાર આવીને શાનદાર પ્રદર્શન કરવામાં સંપૂર્ણ સક્ષમ છે.

બોલિંગમાં ટીમ ઈન્ડિયા માટે વરુણ ચક્રવર્તી મહત્વના ખેલાડી સાબિત થઈ શકે છે. વરુણ ચક્રવર્તીનો રેકોર્ડ આફ્રિકન ટીમ સામે ઘણો સારો રહ્યો છે. જોકે, માર્કરામ અને ડી કોક જેવા ખેલાડીઓ સ્પિનરોને સારી રીતે રમી જાણે છે. તે સિવાય ડેવિડ મિલર પણ તોફાની બેટિંગ માટે જાણીતા છે, તેથી ટીમ ઈન્ડિયાએ બોલિંગમાં કંઈક અલગ વ્યૂહરચના અપનાવવી પડશે.

Published On February 22, 2026