IND vs SL : સિક્સર કિંગ રોહિત શર્મા, શ્રીલંકા સામે મોટો રેકોર્ડ પોતાના નામે કર્યો
IND vs SL : ભારત અને શ્રીલંકા વચ્ચે રમાયેલા પહેલા વન ડે મુકાબલામાં રોહિત શર્માએ શાનદાર શરૂઆત અપાવી. રોહિત શર્માએ આ મુકાબલામાં ઘણા રેકોર્ડ પોતાના નામે કર્યો.
પ્રથમ વનડે મેચમાં રોહિત શર્માએ શાનદાર બેટિંગ કરતા અડધી સદી ફટકારી. ઘણા શાનદાર શોટ્સ સાથે મોટો વર્લ્ડ રેકોર્ડ બનાવ્યો.
રોહિત શર્મા આંતરરાષ્ટ્રીય ક્રિકેટમાં સૌથી વધુ સિક્સર ફટકારનાર બેટ્સમેન સિવાય એક કેપ્ટન તરીકે તે આંતરરાષ્ટ્રીય ક્રિકેટમાં સૌથી વધુ સિક્સર ફટકારનાર બેટ્સમેન પણ બની રહ્યો છે.
આ મેચ પહેલા કેપ્ટન તરીકે તેના નામે 231 સિક્સર હતી. તેણે મેચમાં ત્રણ છગ્ગા ફટકાર્યા અને ઈંગ્લેન્ડના ભૂતપૂર્વ ક્રિકેટર ઈયોન મોર્ગન (233)ને પાછળ છોડીને વિશ્વમાં સૌથી વધુ છગ્ગા મારનાર કેપ્ટન બન્યો.
રોહિત શર્મા 8 મહિના પછી વનડે મેચ રમ્યો. આ મેચ પહેલા રોહિત શર્મા નવેમ્બર 2023માં વર્લ્ડ કપની ફાઈનલ મેચ રમ્યો હતો. આ પછી તે આ ફોર્મેટનો ભાગ નહોતો. આ દરમિયાન ટીમ ઈન્ડિયાએ તેની કેપ્ટનશિપમાં બાર્બાડોસમાં T20 વર્લ્ડ કપ જીત્યો. રોહિત શર્માએ 8 મહિના બાદ ODIમાં શાનદાર વાપસી કરી છે. શ્રીલંકા સામેની આ મેચમાં તેણે 58 રનની ઇનિંગ રમી, જેમાં 7 ફોર અને 3 સિક્સ સામેલ હતી.
Click it and Unblock the Notifications
Sign in with Google
