India vs England T20 : એકતરફી મુકાબલામાં ભારતની શાનદાર જીત, ઈનિંગ પર 4-1થી કબ્જો કર્યો
India vs England T20 : ભારતે પાંચમા T-20 મુકાબલામાં 150 રનથી શાનદાર જીત મેળવી છે. આ ભારતીય ટીમે ઈંગ્લેન્ડ સામે ઘણા રેકોર્ડ પણ બનાવ્યા. ભારત માટે આ જીતનો હીરો અભિષેક શર્મા રહ્યો.
અભિષેક શર્માની વિસ્ફોટક બેટિંગની મદદથી ભારતે 20 ઓવરમાં 9 વિકેટે 247 રન બનાવ્યા હતા. જવાબમાં ઈંગ્લેન્ડની ટીમ માત્ર 97 રન જ બનાવી શકી અને 11માં ઓવરમાં ઓલઆઉટ થઈ ગઈ.
પહેલી ઈનિંગમાં ભારત માટે બેટિંગ કરતા સંજુ સેમસને પહેલી જ બોલ પર સિક્સર મારીને જોરદાર શરૂઆત અપાવી.. જો કે તે 16 રન બનાવીને આઉટ થઈ ગયો. ત્યારબાદ અભિષેક શર્મા અને તિલક વર્માએ ટીમની જવાબદારી સંભાળી. બંનેએ બીજી વિકેટ માટે 43 બોલમાં 115 રનની શાનદાર ભાગીદારી કરી.
તિલક વર્મા 24 રન બનાવીને આઉટ થયા બાદ પણ અભિષેક શર્માની આક્રમક બેટિંગ ચાલુ રહી. તેણે માત્ર 54 બોલમાં 135 રન ફટકાર્યા, જેમાં 7 ચોગ્ગા અને 13 છગ્ગા સામેલ હતા.
આ સિવાય સૂર્યકુમાર યાદવે 2, શિવમ દુબેએ 30, હાર્દિક પંડ્યાએ 9 અને રિંકુ સિંહે 9 રન બનાવ્યા. અક્ષર પટેલે 15 રનની ઈનિંગ રમી. રવિ બિષ્ણોઈ અને મોહમ્મદ શમી કોઈ પણ રન ન બનાવી શક્યા.
ઈંગ્લેન્ડ માટે બ્રાયડન કાર્સે 3, માર્ક વુડે 2, જ્યારે જોફ્રા આર્ચર, ઓવર્ટન અને આદિલ રશીદે 1-1 વિકેટ ઝડપી.
Click it and Unblock the Notifications
Sign in with Google
