આઇપીએલ 9: ખેલાડીઓની થઇ હરાજી, જાણો કોણ કેટલામાં વેચાયું

Published: Saturday, February 6, 2016, 16:27 [IST]

બેંગ્લોરમાં આજે અનેક ક્રિકેટરો માટે મહત્વનો દિવસ હતો. કારણ કે આઇપીએલ 9 માટે આજે ખેલાડીઓની હરાજી થવાની હતી. જેમાં 351 ખેલાડીઓની હરાજી થઇ. જો કે મોંધા ભાવે યુવરાજ સિંહ, નેગી, નાથુ સિંધ જેવા ખેલાડીઓની ખરીદી કરવામાં આવી. માઇક હસી, કેન રિચર્ડસન, રવિ બોપારા જેવા ખેલાડીઓને કોઇ ના ખરીદ્યા.

જો કે મોંધેરા સ્ટારોમાંથી શેન વોટસનને રોયલ ચેલેન્જર્સે 9.50 કરોડમાં ખરીદ્યો. તો યુવરાજ સિંહની બોલી લાગી 7 કરોડ રૂપિયા અને તેને સનરાઇઝર્સ હૈદરાબાદે ખરીદ્યો. તો હાલમાં જ બનેલી રાજકોટની આઇપીએલ ટીમ ગુજરાત લાયન્સના મોંધા ખેલાડી બન્યા પ્રવીણ કુમાર જેમને 3.50 કરોડમાં ખરીદવામાં આવ્યા. તો બીજી તરફ દિલ્હીએ પવન નેગીને 8.50 કરોડમાં ખરીદ્યો. હાલ આ હરાજી સમાપ્ત થઇ ગઇ છે. પણ પ્રાપ્ત માહિતી મુજબ કયો ખેલાડી ક્યાં ગયો તે વિષે જાણવા વાંચો નીચેનો આ ફોટોસ્લાઇડર....

ગુજરાત લાયન્સ

ગુજરાત લાયન્સે તેની ટીમમાં પ્રવીણ કુમાર, ધવલ કુલકર્ણી, પારસ ડોગરા, ડેલ સ્ટેઇન, દિનેશ કાર્તિક, ડેવિડ સ્મિથ, ઇશાન કિશન, એકલવ્ય ત્રિવેદી, પ્રદિપ સંગવાન, પ્રવીણ તામ્બે અને સરબજીત લડ્ડાને ખરીદ્યા.

સનરાઇઝર્સ હૈદરાબાદ

તો તે બાદ 7 કરોડમાં યુવરાજ સિંહને ખરીદવાની સાથે આશીષ નેહરા, બરિન્દર સરન, મુસ્તફિઝૂર રહેમાન, અભિમન્યુ મિથુન, આદિત્ય અને દિપક હુડ્ડાને સનરાઇઝર્સ હૈદરાબાદે ખરીદ્યા.

રાઇઝિંગ પૂણે સુપરઝાયન્ટ

તો ગુજરાત લાયન્સ સાથે જ નવી બનેલી રાઇઝિંગ પૂણે સુપરઝાયન્ટે મિશેલ માર્શ, ઇરફાન પઠાણ (1 કરોડ), કેવિન પીટરસન, આર.પી.સિંહ, એમ, અશ્વિન અને અંકિત શર્માને ખરીદ્યા.