IPL 2022 LSG vs DC: પૃથ્વી શોની વિસ્ફોટક બેટીંગ, લખનૌને જીતવા આપ્યુ બનાવ્યા 150 રનનું લક્ષ્ય

આજે લખનૌ સુપર જાયન્ટ્સ અને દિલ્હી કેપિટલ્સ વચ્ચે આઇપીએલ 202ની 15મી મેચ મુંબઈના ડીવાય પાટિલ સ્ટેડિયમમાં રમાશે. લખનઉ સુપર જાયન્ટસે ટોસ જીતી પ્રથમ બોલિંગનો નિર્ણય કર્યો હતો. કેએલ રાહુલે દિલ્હીને પ્રથમ બેટીંગ કરવા આમંત્રણ આપ્યું હતુ. પ્રથમ બેટીંગ કરતા દિલ્હીએ 20 ઓવરમાં 3 વિકેટ ગુમાવી 149 રન બનાવ્યા હતા.

દિલ્હીના ઓપનર પૃથ્વી શો એ 34 બોલમાં 61 રન બનાવી દિલ્હીને સારી શરૂઆત આપી હતી. આ ઉપરાંત કેપ્ટન રિષભ પંતે 36 બોલમાં 39 રન તથા સરફરાઝ ખાને 28 બોલમાં 36 રન બનાવ્યા હતા.

તમને જણાવી દઈએ કે આ સિઝનમાં રમાયેલી 14 મેચોમાંથી 4 મેચ ડીવાય પાટિલ સ્ટેડિયમમાં રમાઈ છે. આ દરમિયાન રસપ્રદ વાત એ છે કે જે પણ ટીમ ટોસ જીતે છે તે પહેલા બોલિંગ કરવાનું પસંદ કરે છે. આ સ્ટેડિયમમાં 4 વખત ટોસ થયો હતો અને આશ્ચર્યજનક વાત એ હતી કે ચાર વખત ટોસ જીત્યા બાદ બોલિંગ કરવાનો નિર્ણય લેવામાં આવ્યો હતો. 4માંથી પ્રથમ બેટિંગ કરનારી 2 ટીમ અને બે વખત બોલિંગ કરનાર ટીમનો વિજય થયો છે.

કેવી છે પીચ

મુંબઈના ડીવાય પાટિલ સ્ટેડિયમમાં બોલર અને બેટ્સમેન બંનેને મદદ મળે છે. ઇનિંગ્સની શરૂઆતમાં ઝડપી બોલરોને સારો ઉછાળો મળે છે અને બોલ ઝડપથી બેટ્સમેન સુધી પહોંચે છે. તે જ સમયે, બોલ જૂનો થયા પછી, બેટ્સમેન માટે શોટ રમવાનું સરળ બને છે અને બોલ સારા ઉછાળા સાથે બેટ્સમેન સુધી પહોંચે છે. અગાઉની મેચમાં લખનઉએ અહીં 169 રનનો સફળતાપૂર્વક બચાવ કર્યો હતો. આવી સ્થિતિમાં બોલરોને બીજી ઇનિંગમાં પણ મદદ મળે છે. ઝડપી બોલરો નવા બોલનો ફાયદો ઉઠાવી શકે છે.

દિલ્હીની પ્લેઇંગ 11: પૃથ્વી શો, ડેવિડ વોર્નર, ઋષભ પંત (c/w), રોવમેન પોવેલ, સરફરાઝ ખાન, લલિત યાદવ, અક્ષર પટેલ, શાર્દુલ ઠાકુર, કુલદીપ યાદવ, મુસ્તફિઝુર રહેમાન, એનરિક નોર્ટજે

લખનઉની પ્લેઇંગ 11: કેએલ રાહુલ (કેપ્ટન), ક્વિન્ટન ડી કોક (વિકેટમાં), એવિન લુઈસ, દીપક હુડા, આયુષ બદોની, કૃણાલ પંડ્યા, જેસન હોલ્ડર, કૃષ્ણપ્પા ગૌતમ, એન્ડ્રુ ટાય, રવિ બિશ્નોઈ, અવેશ ખાન

ક્રિકેટ પ્રેમ? સાબિત કરો. માયખેલ ક્રિકેટ ફેન્ટસી ક્રિકેટ રમો

English summary

IPL 2022 LSG vs DC: Lucknow scored 150 runs to win