IPL 2023: જોશ બટલરની ફિફ્ટી, ચેન્નાઇને જીતવા બનાવવા પડશે 176 રન

આજે IPLની 17મી મેચમાં ચેન્નાઈ સુપર કિંગ્સ અને રાજસ્થાન રોયલ્સ વચ્ચે જોરદાર ટક્કર થઇ રહી છે. ચેન્નાઈ સુપર કિંગ્સ (CSK) બુધવારે ચેન્નાઈના એમએ ચિદમ્બરમ સ્ટેડિયમમાં રાજસ્થાન રોયલ્સ (RR) સામે ટકરાવા જઇ રહી છે. એમ એસ ધોનીએ ટોસ જીતીને પ્રથમ બોલિંગ કરવાનો નિર્ણય લીધો હતો. પ્રથમ બેટીંગ કરતા રાજસ્થાને 20 ઓવરમાં 175 રન બનાવ્યા હતા.

જોશ બટલરે શાનદાર બેટીંગ કરી 52 રન બનાવ્યા હતા. આ ઉપરાંત દેવદત્ત પડિક્કલે 26 બોલમાં 38 રન બનાવ્યા હતા.

CSKના સુકાની એમએસ ધોની માટે આ એક ઐતિહાસિક પ્રસંગ હશે કારણ કે તે ચેન્નાઈ સુપર કિંગ્સના સુકાની તરીકે તેની 200મી મેચ તેના ઘરના દર્શકોની સામે રમશે. IPLની 16મી સિઝનની 17 નંબરની મેચમાં આજની મેચની બંને ટીમોએ ત્રણમાંથી બે મેચ જીતી છે.

કેપ્ટન સંજુ સેમસનની ટીમ વધુ સારા નેટ રન રેટ સાથે પોઈન્ટ ટેબલમાં નંબર 2 પર છે. આવી સ્થિતિમાં જો ટીમ પોતાની લય જાળવી રાખીને ચેન્નાઈ સામેની આજની મેચ જીતી લે છે તો તે પોઈન્ટ ટેબલમાં ટોપ પર પહોંચી જશે.

ચેન્નાઇની પ્લેઇંગ 11: ડેવોન કોનવે, રુતુરાજ ગાયકવાડ, અજિંક્ય રહાણે, મોઈન અલી, શિવમ દુબે, રવિન્દ્ર જાડેજા, એમએસ ધોની (કીપર અને કેપ્ટન), સિસાંડા મગાલા, મહેશ તિક્ષાના, તુષાર દેશપાંડે, આકાશ સિંહ

રાજસ્થાન રોયલ્સની પ્લેઇંગ 11: યશસ્વી જયસ્વાલ, જોસ બટલર, સંજુ સેમસન (સી), ધ્રુવ જુરેલ, શિમરોન હેટમાયર, દેવદત્ત પડિક્કલ, જેસન હોલ્ડર, રવિચંદ્રન અશ્વિન, કુલદીપ સેન, યુઝવેન્દ્ર ચહલ, સંદીપ શર્મા.

English summary

IPL 2023: Rajasthan set a target of 176 runs For Chennai