IPL 2024 Auction Scheduled: હરાજી સાથે રચાશે ઇતિહાસ, આ ખેલાડી પર લાગશે મોટી બોલી

Published: Friday, October 27, 2023, 9:23 [IST]

IPL 2024 Auction Scheduled: હાલ વિશ્વ કપ 2023નો ફીવર ચાલી રહ્યો છે. વર્લ્ડ કપ પૂરો થાય એ પહેલા ક્રિકેટ પ્રેમીઓ માટે ખુશીના સમાચાર છે. હવે ફેન્સ આઇપીએલ 2024 લઇને ઉત્સાહિત થઇ ગયા છે. આ માટે BCCI દ્વારા પૂરી તૈયારી કરી લીધી છે.

IPL 2024 સિઝન પહેલા પ્લેયરોનું મિની ઓક્સનનું આયોજન વિદેશની ધરા પર કરવામાં આવી રહ્યું છે. આ પહેલી વાર હશે, જ્યારે આઇપીએલનું ઓક્શન વિદેશમાં યોજાઇ રહ્યું છે.

BCCI એ IPL 2024 ની તમામ 10 ટીમોને 15 નવેમ્બર સુધીમાં રિટેન અને રિલીઝ કરવામાં આવેલા ખેલાડીઓની યાદી જાહેર કરવાનો નિર્દેશ આપ્યો છે. આ પછી 19મી ડિસેમ્બરના રોજ દુબઈમાં મિની ઓક્શન યોજાશે.

IPL 2024ની સિઝન માટે દરેક ટીમ પાસે રૂપિયા 100 કરોડનું પર્સ હશે, જે ગત સિઝનના રૂપિયા 95 કરોડ કરતાં રૂપિયા 5 કરોડ વધુ છે.

કઇ ટીમો પાસે કેટલા પૈસા

પંજાબ કિંગ્સ - 12.20 કરોડ
સનરાઇઝર્સ હૈદરાબાદ - 6.55 કરોડ
ગુજરાત ટાઇટન્સ - 4.45 કરોડ
દિલ્હી કેપિટલ્સ - 4.45 કરોડ
લખનઉ સુપર જાયન્ટ્સ - 3.55 કરોડ
રાજસ્થાન રોયલ્સ - 3.35 કરોડ
રોયલ ચેલેન્જર્સ બેંગ્લોર - 1.175 કરોડ
કોલકાતા નાઈટ રાઈડર્સ - 1.65 કરોડ
ચેન્નાઈ સુપર કિંગ્સ - 1.5 કરોડ
મુંબઈ ઈન્ડિયન્સ - 0.05 કરોડ

મિની હરાજીમાં લગાવવામાં આવે છે મોટી બોલી - દરેક ટીમે હરાજીના દિવસે કેટલો ખર્ચ કરવો પડશે, તે 2023ની હરાજીમાંથી તેમના વણખર્ચાયેલા પર્સ ઉપરાંત, તેઓએ રિલીઝ કરેલા ખેલાડીઓની કિંમત પર નિર્ભર રહેશે. જોકે, હાલમાં પંજાબ કિંગ્સ પાસે સૌથી વધુ પૈસા બચ્યા છે.

આ સાથે જ મુંબઈ ઈન્ડિયન્સ પાસે સૌથી ઓછા પૈસા બચ્યા છે. ઉલ્લેખનીય છે કે, દર ચાર વર્ષમાં એક વખત યોજાતી બે દિવસીય મેગા ઓક્શનની સરખામણીમાં મિની ઓક્શનમાં સૌથી વધુ બોલી લગાવવામાં આવી છે.

8 વર્ષ બાદ IPLમાં વાપસી કરશે મિચેલ સ્ટાર્ક - ખાસ કરીને વિદેશી ખેલાડીઓ પર ઘણા પૈસાનો વરસાદ થાય છે. સેમ કુરન 2023ની સિઝનમાં IPL ઈતિહાસનો સૌથી મોંઘો ખેલાડી બન્યો હતો. પંજાબ કિંગ્સે તેને 18.5 કરોડ રૂપિયામાં ખરીદ્યો હતો.

આ વખતે પણ ઘણા વિદેશી ખેલાડીઓ પર પૈસાનો વરસાદ થવાની સંભાવના છે. જેમાં ઓસ્ટ્રેલિયાનો ફાસ્ટ બોલર મિચેલ સ્ટાર્ક પણ સામેલ છે. તાજેતરમાં જ તેણે IPLમાં વાપસીની જાહેરાત કરી છે. તે આઠ વર્ષ બાદ IPLમાં વાપસી કરશે.

Published On October 27, 2023