IPL Auction 2020: હરાજીમાં આ ખેલાડીઓ પર દાવ લગાવી શકે છે RCB
IPL Auction 2020: હરાજીમાં આ ખેલાડીઓ પર દાવ લગાવી શકે છે RCB
નવી દિલ્હીઃ ઈન્ડિયન પ્રીમિયર લીગ (IPL)ની 13મી સીઝન માટે કોલકતામાં આજે બધી ટીમો ખેલાડીઓની હરાજી માટે એકત્રિત થઈ રહી છે. જ્યારે આજે બધાની નજર રૉયલ ચેલેન્જર્સ બેંગ્લોરની ટીમ પર હશે. અત્યાર સુધીમાં એકપણ ખિતાબ ના મેળવનાર આરસીબીની ટીમ હંમેશાથી મોટા સ્ટાર ખેલાડીઓ માટે ઓળખાય છે પરંતુ આ વખતે આ ટીમે સૌથી વધુ ખેલાડી રિલીઝ કર્યા છે. એટલું જ નહિ ટીમે આખું મેનેજમેન્ટ બદલી નાખ્યું છે, નવા કોચિંગ સ્ટાફ સાથે આરસીબીની ટીમની નજર એવા ખેલાડીઓ પસંદ કરવા પર હશે જેઓ કદાચ આ વખતે ખિતાબ જીતવાનું ટીમનું સપનું પૂરું કરી શકે.
આઈપીએલમાં આજે 73 જગ્યા માટે હરાજી થશે જેમાં 12 ખેલાડીઓની જગ્યા આરસીબી ટીમમાં છે. આરસીબીની ટીમ પાસે કુલ 27.90 કરોડ રૂપિયા બચ્યા છે જ્યારે તે 57.10 કરોડ રૂપિયા ખર્ચ કરી ચૂકી છે. આરસીબીની ટીમને હાલ વિદેશી ખેલાડીઓની જરૂરત છે જે તેમની ટીમને મજબૂતી આપી શકે. આ ટીમને વિદેશી ઓલરાઉન્ડર, વિકેટકીપર બેટ્સમેન અને પેસર (ફાસ્ટ બોલર)ની જરૂરત છે.
આ ઉપરાંત આરસીબીની ટીમના મધ્યક્રમમાં પયોગી બેટ્સમેનોની જરૂરત હશે. આરસીબીની ટીમ આ વખતે કેપ્ટન કોહલી અને એબીડીની નિર્ભરતાથી ઉભરવા માંગશે અને ટીમમાં કેટલાક ઉપયોગી ખેલાડીઓ લેવા માંગશે.
આ છે આરસીબીની સમસ્યા
આરસીબીની ટીમની સૌથી મોટી સમસ્યા બજેટની કમી છે, જણાવી દઈએ કે ટીમ પાસે જગ્યા ઘણી છે પરંતુ પૈસા બહુ ઓછા છે. એવામાં આરસીબીની ટીમ વધુમાં વધુ એક જ મોંઘો વિદેશી ખેલાડી ખરીદી શકે છે.
આ ખેલાડીઓને ખરીદી શકે
આરસીબીની ટીમ વિદેશી ખેલાડીઓમાં એરોન ફિંચ, ગ્લેન મેક્સવેલ, શિમરૉન હેટમાયર, જિમી નીશામ અને શેલ્ડન કૉટરેલની પાછળ જઈ શકે છે જ્યારે ઘરેલૂ ખેલાડીઓમાં પ્રિયમ ગર્ગ, વિરાટ સિંહ, યૂસુફ પઠાન અને રોહન કદમ પર નજર હશે.
હાલ આવી છે આરસીબીની ટીમ
એબીડી, વિરાટ કોહલી, ગુરકીરત સિંહ, મોઈન અલી, પાર્થિવ પટેલ, શિવમ દુબે, વૉશિંગ્ટન સુંદર, નવદીપ સૈની, દેવદત્ત પડીક્કલ, યુઝવેન્દ્ર ચહલ
IPL Auction 2020: 11 ખેલાડીઓ માટે દિલ્હી લગાવશે બોલી, આ ખેલાડીઓ પર બધાની નજર
ક્રિકેટ પ્રેમ? સાબિત કરો. માયખેલ ક્રિકેટ ફેન્ટસી ક્રિકેટ રમો