IPL Auction 2026: કયા દેશના કેટલા ખેલાડીઓ ભાગ લેશે? જાણો અહીં

IPL Auction 2026: ઈન્ડિયન પ્રીમિયર લીગ (IPL) 2026 માટેની મીની ઓક્શનની તૈયારીઓ પૂર્ણ થઈ ગઈ છે. 16 ડિસેમ્બર, 2025ના રોજ અબુધાબીમાં યોજાનારી આ હરાજીમાં ઘણા ખેલાડીઓનું નસીબ ચમકી શકે છે. આ વર્ષે કુલ 1,355 ખેલાડીઓએ રજીસ્ટ્રેશન કરાવ્યું હતું, જેમાંથી આયોજકો દ્વારા છાણણી કરીને 359 ખેલાડીઓની અંતિમ યાદી તૈયાર કરવામાં આવી છે.

11 જુદા-જુદા દેશના ખેલાડીઓ હરાજીમાં સામેલ

આ હરાજીની સૌથી ખાસ વાત એ છે કે તેમાં વિશ્વના 11 અલગ-અલગ દેશોના ખેલાડીઓ સામેલ છે. જોકે, ખેલાડીઓની સંખ્યાના મામલે ભારતનું પ્રતિનિધિત્વ સૌથી વધુ છે. શોર્ટલિસ્ટ કરાયેલા કુલ 359 ખેલાડીઓમાંથી 244 ખેલાડીઓ ભારતીય છે, જેની સંખ્યા આયોજકો દ્વારા અંતિમ યાદીમાં 9 વધારાના ભારતીય નામ ઉમેર્યા પછી વધી છે.

ઇંગ્લેન્ડ અને ઓસ્ટ્રેલિયાના સૌથી વધુ વિદેશી ખેલાડીઓ

વિદેશી ખેલાડીઓના પ્રતિનિધિત્વમાં ઇંગ્લેન્ડ અને ઓસ્ટ્રેલિયા સૌથી આગળ છે, જે સંકેત આપે છે કે આ દેશોના ખેલાડીઓ પર મોટી બોલી લાગી શકે છે.

• ઇંગ્લેન્ડ: સૌથી વધુ 22 ખેલાડીઓ.
• ઓસ્ટ્રેલિયા: 21 ખેલાડીઓ.
• ન્યૂઝીલેન્ડ અને દક્ષિણ આફ્રિકા: બંને દેશોના 16-16 ખેલાડીઓ આ હરાજીનો ભાગ બનશે.

આ હરાજીમાં ઘણા ખેલાડીઓને આ સિઝનમાં પહેલીવાર IPL રમવાનો મોકો મળી શકે છે.

મલેશિયા અને આયર્લેન્ડના એક-એક ખેલાડી

આ હરાજી દર્શાવે છે કે, IPL વૈશ્વિક સ્તરે પ્રતિભા પ્રદર્શિત કરવા માટેનું સૌથી મોટું મંચ બની ગયું છે.

• આયર્લેન્ડ તરફથી ફાસ્ટ બોલર જોશુઆ લિટલ એકમાત્ર ખેલાડી છે જે પોતાના દેશનું પ્રતિનિધિત્વ કરશે.
• તેવી જ રીતે, મલેશિયાના વીરનદીપ સિંહ પણ અંતિમ યાદીમાં સામેલ એકમાત્ર ખેલાડી છે.

359 ખેલાડીઓની સામે ફક્ત 77 સ્લોટ જ ઉપલબ્ધ છે, જે આ મીની ઓક્શનને ખૂબ જ રોમાંચક બનાવશે.

કયા દેશના કેટલા ખેલાડીઓ ઓક્શનમાં સામેલ છે?

દેશ | ખેલાડીઓની સંખ્યા
ભારત (India) | 244
ઇંગ્લેન્ડ (England) | 22
ઓસ્ટ્રેલિયા (Australia) | 21
ન્યૂઝીલેન્ડ (New Zealand) | 16
દક્ષિણ આફ્રિકા (South Africa) | 16
શ્રીલંકા (Sri Lanka) | 12
અફઘાનિસ્તાન (Afghanistan) | 10
વેસ્ટ ઇન્ડિઝ (West Indies) | 9
બાંગ્લાદેશ (Bangladesh) | 7
આયર્લેન્ડ (Ireland) | 1
મલેશિયા (Malaysia) | 1
કુલ ખેલાડીઓ | 359

English summary

IPL 2026 Mini Auction (Dec 16, Abu Dhabi): Final list includes 359 players from 11 countries, with 244 Indians, and 77 slots available. England (22) and Australia (21) have the highest foreign representation.