IPL Record: મુંબઇ-હૈદરાબાદ મેચમાં રચાયો ઇતિહાસ, જાણો મોટા રેકોર્ડ
IPL Record: સનરાઇઝ હૈદરાબાદના બેટ્સમેન ટ્રેવિસ હેડ, અભિષેક શર્મા અને હેનરિચ ક્લાસેને મુંબઇ ઇન્ડિયન્સની સામે એવી વિસ્ફોટક બેટિંગ કરીને આઇપીએલ અને આંતરરાષ્ટ્રીય ટી20 ક્રિકેટના પણ ઘણા મોટા રેકોર્ડ તૂટ્યા છે. હૈદરાબાદની ટીમે મુંબઇ ટીમ સામે આઇપીએલના ઇતિહાસનો સૌથી મોટો સ્કોર બનાવ્યો અને આ મેચ જીત નોંધાવી હતી.
હૈદરાબાદ માટે હેડ, અભિષેક અને ક્લાસને અડધી સદી ફટકારી હતી, અને મુંબઈ સામે પહાડ જેવું લક્ષ્ય રાખ્યું હતું, જેને પાંચ વખતની ચેમ્પિયન ટીમના બેટ્સમેનો તેમના તમામ પ્રયાસો છતાં હાંસલ કરી શક્યા ન હતા. આ મેચમાં ઘણા રેકોર્ડ બન્યા અને કેટલાક રસપ્રદ આંકડા જોવા મળ્યા હતા.

T20માં ત્રીજો સૌથી મોટો સ્કોર બનાવ્યો - સનરાઈઝર્સ હૈદરાબાદે મુંબઈ સામે ત્રણ વિકેટે 277 રન બનાવ્યા હતા, જે આઈપીએલના ઈતિહાસમાં સર્વોચ્ચ સ્કોર છે, પરંતુ આ T20 માં ત્રીજો સૌથી મોટો સ્કોર પણ બની ગયો છે. T20માં સૌથી વધુ સ્કોર બનાવવાનો રેકોર્ડ હાલમાં નેપાળના નામે છે, જેણે મંગોલિયા સામે ત્રણ વિકેટે 314 રન બનાવ્યા હતા.
આ સિવાય 2019માં દહેરાદૂનમાં રમાયેલી મેચમાં અફઘાનિસ્તાને આયર્લેન્ડ સામે 278 રન બનાવ્યા હતા. આ T20નો બીજો સ્કોર છે, અને ભારતનો આ ફોર્મેટમાં સૌથી વધુ સ્કોર છે. મુંબઈ સામે હૈદરાબાદનો સ્કોર ભારતમાં T20માં બીજો સૌથી મોટો સ્કોર છે.
અભિષેક અને હેડે ઈતિહાસ રચ્યો - હૈદરાબાદના અભિષેક અને ટ્રેવિસ હેડના નામે પણ એક અનોખી સિદ્ધિ નોંધાઈ છે. મુંબઈ સામેની મેચ પહેલા આ ટીમનો કોઈપણ બેટ્સમેન 20 થી ઓછા બોલમાં અડધી સદી પૂરી કરી શક્યો ન હતો, પરંતુ પહેલા હેડ અને પછી અભિષેકે આ જ મેચમાં આ સિદ્ધિ મેળવી હતી. અભિષેક અને હેડ આઈપીએલના ઈતિહાસના પ્રથમ બેટ્સમેન છે, જેમણે એક જ ટીમ તરફથી રમતા 20 બોલમાં અડધી સદી ફટકારી છે.
પ્રથમ 10 ઓવરમાં સૌથી વધુ રન બનાવવાનો રેકોર્ડ - સનરાઈઝર્સ હૈદરાબાદે શરૂઆતથી જ મુંબઈ સામે કઠોર વલણ અપનાવ્યું હતું. સનરાઇઝર્સની ઇનિંગ્સ એટલી ઝડપી હતી કે, ટીમે પ્રથમ 10 ઓવરમાં 148 રન બનાવ્યા હતા. આઈપીએલમાં આટલી ઓવરમાં કોઈપણ ટીમ દ્વારા બનાવવામાં આવેલો આ સૌથી મોટો સ્કોર છે. આ પહેલા પંજાબ કિંગ્સે 2014માં પ્રથમ 10 ઓવરમાં અને 2021માં મુંબઈ ઈન્ડિયન્સે 131 રન બનાવ્યા હતા.
15 ઓવર પૂરી થાય તે પહેલા 200 રન બનાવ્યા - હૈદરાબાદે મુંબઈ સામે માત્ર 14.4 ઓવરમાં 200નો આંકડો પાર કરી લીધો હતો. આઈપીએલના ઈતિહાસમાં આ બીજી સૌથી ઝડપી બેવડી સદી છે. હૈદરાબાદ પહેલા, 2016 માં, રોયલ ચેલેન્જર્સ બેંગ્લોર (RCB) એ 14.1 ઓવરમાં સૌથી ઝડપી 200 રનનો આંકડો પાર કર્યો હતો.
મફાકાના નામ સાથે અનિચ્છનીય રેકોર્ડ - આ સમયગાળા દરમિયાન મુંબઈ ઈન્ડિયન્સની બોલર ક્વેના મફાકાના નામે એક અનિચ્છનીય રેકોર્ડ જોડાઈ ગયો હતો. આ મેચમાં મફાકાએ ચાર ઓવરમાં 66 રન આપ્યા અને એક પણ વિકેટ લેવામાં નિષ્ફળ રહ્યો હતો. આઈપીએલના ઈતિહાસમાં આ ત્રીજો સૌથી મોંઘો સ્પેલ હતો. મફાકાએ આ મેચમાં પદાર્પણ કર્યું અને પોતાની પ્રથમ મેચમાં સૌથી મોંઘો સ્પેલ ફેંકનાર બોલર બન્યો હતો.
હૈદરાબાદે સૌથી વધુ સિક્સ ફટકારી - સનરાઈઝર્સ હૈદરાબાદે મુંબઈ સામે પોતાની ઈનિંગમાં કુલ 18 છગ્ગા ફટકાર્યા હતા. આ પહેલા હૈદરાબાદની ટીમે કોઈની સામે એક ઈનિંગમાં આટલા સિક્સર ફટકારી ન હતી. આ પહેલા હૈદરાબાદનો એક ઇનિંગમાં સૌથી વધુ સિક્સર મારવાનો રેકોર્ડ કોલકાતા નાઈટ રાઈડર્સ (KKR) સામે હતો. હૈદરાબાદે KKR સામે 15 સિક્સ ફટકારી હતી.
IPLમાં પ્રથમ વખત કુલ સ્કોર 500ને પાર કરી ગયો - સનરાઇઝર્સ હૈદરાબાદે પ્રથમ બેટિંગ કરતા 20 ઓવરમાં 277 રન બનાવ્યા હતા. જવાબમાં મુંબઈએ 20 ઓવરમાં 246 રન બનાવ્યા હતા. આઈપીએલની આઠમી મેચમાં બંને દાવમાં સૌથી વધુ રન બનાવ્યા હતા. જો બંને ઇનિંગ્સના રન ઉમેરવામાં આવે તો કુલ 523 રન હતા. આઈપીએલના ઈતિહાસમાં આ પ્રથમ વખત હતો, જ્યારે કુલ સ્કોર 500ને પાર થયો હતો.
-
Gold Rate Today: સોનાના ભાવમાં મામૂલી ઉછાળો, જાણો લેટેસ્ટ કિંમત -
ગુજરાતમાં ફરી આફતનુ માવઠું, 28 થી 30 માર્ચ દરમિયાન કમોસમી વરસાદની આગાહી -
ગુજરાતમાં ગરમીનો પારો વધ્યો, સૌથી વધુ ગરમી વડોદરા અને અમરેલીમાં નોંધાઈ, જાણો હવામાન વિભાગની આગાહી -
ભારતને ઈરાનનો મોટો પ્રસ્તાવ, ક્રૂડ ઓઈલ અને ગેસ સપ્લાયની ઓફર -
સોના-ચાંદીના ભાવમાં ફરી મોટો ઘટાડો, જાણો આજના લેટેસ્ટ રેટ -
અમેરિકાના ટેક્સાસમાં વેલેરો રિફાઇનરીમાં વિસ્ફોટ થતા હંગામાનો માહોલ -
ગુજરાતમાં આજથી ચણા-રાયડાની ટેકાના ભાવે ખરીદી શરૂ, 2.96 લાખ ખેડૂતોને ફાયદો થશે -
સોના-ચાંદીના ભાવમાં મોટો કડાકો, જાણો આજના તાજા ભાવ -
ગુજરાતમાં પેટ્રોલની અછત હોવાની વાત ફેલાતા હંગામો, જાણો સરકારે શું કહ્યું? -
પીએમ નરેન્દ્ર મોદીએ ગેસ સંકટ મુદ્દે મૌન તોડ્યુ, જાણો શું કહ્યું? -
સ્થાનિક સ્વરાજની ચૂંટણી માંટે AAP એ 460 ઉમેદવારોની પ્રથમ યાદી જાહેર કરી -
ગુજરાતમાં બીજા દિવસે પણ પેટ્રોલ-ડીઝલને લઈને હંગામો યથાવત, લાંબી લાઈનો લાગી








Click it and Unblock the Notifications
