IPL 2026 : જાડેજા બાદ વધુ એક સ્ટારની રાજસ્થાન રોયલ્સમાં એન્ટ્રી
IPL 2026 સીઝન પૂર્વે રાજસ્થાન રોયલ્સે એક મહત્ત્વપૂર્ણ જાહેરાત કરી છે. ફ્રેન્ચાઇઝીએ સોમવારે પુષ્ટિ કરી કે શ્રીલંકાના દિગ્ગજ ક્રિકેટર કુમાર સંગાકારાને ફરીથી ટીમના મુખ્ય કોચ તરીકે નિયુક્ત કરવામાં આવ્યા છે. આ નિર્ણય દ્વારા ટીમે હરાજી પહેલા જ IPL ઇતિહાસના સૌથી મોટા ટ્રેડમાંથી એક કરીને ચાહકોમાં ઉત્તેજના જગાવી છે.
કુમાર સંગાકારાને નવી જવાબદારી સોંપવામાં આવી છે. તેમણે 2021 થી 2024 સુધી રાજસ્થાન રોયલ્સના મુખ્ય કોચ તરીકે સેવા આપી હતી અને ગયા વર્ષે તેમને ડાયરેક્ટર ઓફ ક્રિકેટ બનાવવામાં આવ્યા હતા. હવે તેઓ ફરીથી કોચિંગની કમાન સંભાળશે.
સંગાકારા રાહુલ દ્રવિડનું સ્થાન લેશે, જેમણે IPL 2025 સીઝનમાં જયપુરની ફ્રેન્ચાઇઝી સાથે તેમનો બીજો કાર્યકાળ પૂર્ણ કર્યો હતો. તેમના પ્રથમ કોચિંગ કાર્યકાળ દરમિયાન, સંગાકારાએ રોયલ્સના 17 વર્ષના લાંબા ઇંતેજારનો અંત લાવીને 2022માં ટીમને IPL ફાઇનલ સુધી પહોંચાડી હતી, જો કે ટીમ ફાઈનલ ન જીતી શકી.
રોયલ્સના મુખ્ય માલિક મનોજ બડાલેએ સંગાકારાની વાપસી પર ખુશી વ્યક્ત કરી. તેમણે જણાવ્યું કે, કુમારને હેડ કોચ તરીકે પાછા મેળવીને અમે ખૂબ જ ઉત્સાહિત છીએ. ટીમ સાથે તેમની પરિચિતતા, તેમનું નેતૃત્વ અને રોયલ્સની સંસ્કૃતિની તેમની ઊંડી સમજણ અમારા માટે ફાયદાકારક સાબિત થઈ શકે છે. રાજસ્થાન સાથે ફરી જોડાવા પર કુમાર સંગાકારાએ પણ પોતાના વિચારો રજૂ કર્યા છે.
હેડ કોચ તરીકે પોતાની વાપસી પર સંગાકારાએ કહ્યું કે, હું હેડ કોચ તરીકે પાછા ફરવા અને આ ટીમ સાથે કામ ચાલુ રાખવા બદલ સન્માનિત અનુભવું છું. એક મજબૂત કોચિંગ ટીમ સાથે અમારું ધ્યાન ખેલાડીઓને શ્રેષ્ઠ રીતે તૈયાર કરવા પર છે.
તેમણે વધુમાં ઉમેર્યું કે, એક ગ્રુપ તરીકે આપણે ક્યાં જવા માગીએ છીએ તેની અમને સ્પષ્ટ સમજ છે અને અમારો લક્ષ્ય એક એવી ટીમ બનાવવાનો છે જે સ્પષ્ટતા, જુસ્સો અને ઉદ્દેશ્ય સાથે રમે.
સંગાકારાની વાપસી સાથે કોચિંગ સ્ટાફમાં પણ મહત્ત્વપૂર્ણ ફેરફારો કરવામાં આવ્યા છે. વિક્રમ રાઠોડને હવે લીડ આસિસ્ટન્ટ કોચ બનાવવામાં આવ્યા છે, જ્યારે ટ્રેવર પેની અને સિડ લાહિડી અનુક્રમે આસિસ્ટન્ટ કોચ અને પરફોર્મન્સ કોચ તરીકે પાછા ફર્યા છે. શેન બોન્ડ ફાસ્ટ બોલિંગ કોચ તરીકે પોતાની ભૂમિકા ચાલુ રાખશે.
Click it and Unblock the Notifications
Sign in with Google
