MI vs GT: સુર્યકુમાર યાદવે બનાવ્યુ IPL 2023નુ પહેલુ શતક
ઈન્ડિયન પ્રીમિયર લીગ 2023ની 57મી મેચમાં રાશિદ ખાનની શાનદાર બોલિંગ બાદ સૂર્યકુમાર યાદવની જબરદસ્ત બેટિંગ જોવા મળી. યાદવે સિઝનની તેની પ્રથમ સદી ફટકારતા IPLના ઈતિહાસમાં પોતાનો સર્વોચ્ચ સ્કોર પણ બનાવ્યો હતો.
આ મેચમાં ગુજરાત ટાઇટન્સે ટોસ જીતીને પ્રથમ બોલિંગ કરવાનો નિર્ણય લીધો હતો અને સ્કાયના તોફાની 103 રનના આધારે મુંબઈ ઈન્ડિયન્સની ટીમે 20 ઓવરમાં 5 વિકેટ ગુમાવીને 218 રન બનાવ્યા હતા. આ મેચ મુંબઈના વાનખેડે સ્ટેડિયમમાં રમાઈ રહી છે.
સૂર્યકુમારે આવી ઇનિંગ ત્યારે રમી જ્યારે રાશિદ ખાન એક પછી એક વિકેટ લઈને મુંબઈ માટે ખતરો ઉભો કરી રહ્યો હતો. મુંબઈની શરૂઆત તોફાની હતી પરંતુ તેનું પરિણામ સુનામી હતું. તે સૂર્યના તેજ હતા જેણે રાશિદ સિવાય બધાને નિસ્તેજ કરી દીધા હતા. સુર્યકુમાર યાદવે 49 બોલમાં 103 રન બનાવ્યા હતા.
આ સદી સાથે આઇપીએલ 2023ની આ ચોથી સદી બની ગઇ છે. આ પહેલા હેરી બ્રુકે 55 બોલમાં 100 રન બનાવ્યા હતા. આ ઉપરાંત વેંકટેશ ઐયરે 51 બોલમાં 101 રન તથા યશસ્વી જયસ્વાલે 62 બોલમાં 124 રન બનાવી આઇપીએલ 2023માં સદી પોતાને નામે કરી હતી.
Click it and Unblock the Notifications
Sign in with Google
