mohammed siraj affair : માહિરા શર્મા સાથેના અફેરને લઈને મોહમ્મદ સિરાઝે ચુપ્પી તોડી, જાણો શું કહ્યું?
mohammed siraj affair : ઈન્ડિયન પ્રીમિયર લીગ (IPL) 2025 ની શરૂઆત 20 માર્ચથી થશે, જેમાં કોલકાતા નાઈટ રાઈડર્સ (KKR) અને રોયલ ચેલેન્જર્સ બેંગ્લોર (RCB) આમને-સામને ટકરાશે.
આઈપીએલની શરૂઆત પૂર્વે ભારતીય ઝડપી બોલર મોહમ્મદ સિરાજ ફરી એકવાર તેના અંગત જીવનને લઈને સમાચારોમાં આવ્યો છે.
છેલ્લા કેટલાક મહિનાઓથી સિરાજ અને અભિનેત્રી માહિરા શર્મા વચ્ચેના સંભવિત સંબંધોની ચર્ચા સતત થઈ રહી છે.
માહિરા શર્મા બિગ બોસ 13 ની સ્પર્ધક રહી ચુકી છે, તેના અને સિરાજની વચ્ચે કોઈપણ પ્રકારના સંબંધની વાતોને ઘણી વખત નકારી ચુકી છે. તેમ છતાં પેપારાઝી દ્વારા વારંવાર તેમને આ મુદ્દે પ્રશ્નો પૂછવામાં આવતા રહ્યા છે.
20 માર્ચે મુંબઈમાં યોજાયેલા એક ઈવેન્ટમાં માહિરાની હાજરી દરમિયાન પણ આવી જ પરિસ્થિતિ સર્જાઈ. ઇવેન્ટમાં હાજર પત્રકારોએ માહિરાને આઈપીએલ અને તેના મનપસંદ ટીમ વિશે પૂછ્યું, જેનો વીડિયો ટૂંક સમયમાં સોશિયલ મીડિયા પર વાયરલ થઈ ગયો.
આ ઘટનાને પગલે મોહમ્મદ સિરાજે ઈન્સ્ટાગ્રામ પર એક સ્ટેટમેન્ટ પોસ્ટ કર્યું, જેમાં તેણે લખ્યું કે, હું પેપારાઝી અને મીડિયા સંસ્થાોને વિનંતી કરું છું કે તેઓ મારી અંગત જીવનને લઈને ખોટી વાતો ન ફેલાવે. આ બાબત સંપૂર્ણપણે અયોગ્ય અને પાયાવિહોણી છે. હું આશા રાખું છું કે હવે આ મુદ્દે વધુ ચર્ચા નહીં થાય.
સિરાજે આ પોસ્ટ કર્યાના થોડા સમય બાદ તે ડિલીટ કરી નાખી, પરંતુ તેના અને માહિરા શર્મા વિશેની ચર્ચાઓ યથાવત રહી છે.
માહિરા શર્માને જ્યારે એવોર્ડ ફંક્શનના રેડ કાર્પેટ પર પત્રકારોએ આઈપીએલની સપોર્ટિંગ ટીમ વિશે પૂછ્યું, ત્યારે તેણે ગુજરાત ટાઈટન્સ (GT) પોતાની ફેવરિટ ટીમ તરીકે પસંદગી કરી.
માહિરાના મૌન અને તેના જવાબને કારણે સોશિયલ મીડિયા પર અનેક અટકળો સર્જાઈ રહી છે. ભવિષ્યમાં સિરાજ અને માહિરા આ વિષય પર વધુ કોઈ સ્પષ્ટતા આપે છે કે નહીં તે જોવું રસપ્રદ રહેશે.
Click it and Unblock the Notifications
Sign in with Google
