PBKS vs DC: શિખર ધવને પકડ્યો અદભુત કેચ, વીડિયો થયો વાયરલ

પંજાબ કિંગ્સ સામેની મેચમાં દિલ્હી કેપિટલ્સે ધમાકેદાર રમતનું પ્રદર્શન કર્યું હતું. પ્રથમ બેટિંગ કરતા દિલ્હીએ 2 વિકેટે 213 રનનો મોટો સ્કોર બનાવ્યો હતો. દિલ્હી તરફથી પૃથ્વી શો અને રુસોએ બેટિંગ કરી હતી. બંનેએ બોલરોને ધોઇ નાખ્યા હતા.

આ દરમિયાન શિખર ધવન અલગ રંગમાં જોવા મળ્યો હતો. ધવને શાનદાર કેચ લીધો હતો. પ્રથમ વિકેટ માટે ડેવિડ વોર્નર અને પૃથ્વી શો વચ્ચેની લાંબી ભાગીદારીને તોડવામાં ધવને મહત્વની ભૂમિકા ભજવી હતી. તે સમયે ડેવિડ વોર્નર ફિફ્ટીની નજીક હતો પરંતુ તે પૂર્ણ કરી શક્યો નહોતો.

સેમ કરન ડેવિડ વોર્નર સામે ધીમો બોલ નાખ્યો હતો. વોર્નર તેને મિડ-ઓફ તરફ હવામાં રમે છે. આ પછી ધવન પાછળની તરફ દોડતો હવામાં ઉછળ્યો અને કેચ કરી જમીન પર પડી ગયો હતો. આ રીતે તેણે વોર્નરને આઉટ કર્યો હતો.

ડેવિડ વોર્નર તોફાની રીતે રમી રહ્યો હતો પરંતુ તેની ફિફ્ટી પૂરી કરી શક્યો નહોતો. તે 31 બોલમાં 46 રનના વ્યક્તિગત સ્કોર પર આઉટ થયો હતો. પૃથ્વી શૉ આજે 26 દિવસ બાદ IPL મેચ રમી રહ્યો હતો ત્યારે વિસ્ફોટ થયો હતો. તેણે 38 બોલનો સામનો કર્યો અને 54 રનના વ્યક્તિગત સ્કોર પર આઉટ થયા બાદ પેવેલિયન પરત ફર્યો.

Gabbar ka nahi koi muqabla 👊🔥
How good was that catch from Shikhar Dhawan?💪#PBKSvDC #IPLonJioCinema #IPL2023 #EveryGameMatters #TATAIPL | @PunjabKingsIPL pic.twitter.com/f0tySNZADO

— JioCinema (@JioCinema) May 17, 2023

વોર્નર અને શોએ તેમનું કામ કરી દીધું હતું પરંતુ રેઇલી રુસોએ પછીથી વિસ્ફોટ કર્યો હતો. તેણે રનના પૂરની જેમ બેટિંગ કરી. રૂસોએ 37 બોલમાં 6 ચોગ્ગા અને 6 છગ્ગા સાથે 82 રનની અણનમ ઇનિંગ રમી હતી. સોલ્ટ પણ 14 રન બનાવીને અણનમ રહ્યો હતો.

શિખર ધવને એવી પીચ પર ફિલ્ડિંગ કરવાનો નિર્ણય લીધો હતો જે બેટિંગ માટે મદદરૂપ હતી. દિલ્હીના બેટ્સમેનોએ મજા માણી હતી અને ધમાકેદાર રન બનાવ્યા હતા. પંજાબ માટે મહત્વની મેચ છે.

English summary

PBKS vs DC: Shikhar Dhawan took an amazing catch, the video went viral