Rohit Sharma, IND vs SA: સિક્સર વીર બન્યો હીટમેન, તોડ્યા આ રેકોર્ડ
Rohit Sharma record, IND vs SA: રોહિત શર્મા ક્રિઝ પર તોફાની બેટિંગ કરવા માટે જાણીતો છે. રોહિત શર્મા બોલિંગ પર દબાવ ઉભો કરે છે. દક્ષિણ આફ્રિકાની સામેની મેચ દરમિયાન આ દ્રશ્ય ફરી જોવા મળ્યું હતું. આ મેચમાં રોહિત શર્માએ રેકોર્ડ બનાવ્યો છે.
રોહિત શર્માએ નવા બોલ સામે તોફાની બેટિંગ કરતા દક્ષિણ આફ્રિકાના બોલરોને પછાડ્યા હતા. રોહિત શર્મા ઝડપી શરૂઆત કર્યા બાદ 40 રનના વ્યક્તિગત સ્કોર પર આઉટ થયો હતો. આ રન બનાવવા માટે રોહિત શર્માએ માત્ર 24 બોલનો સામનો કર્યો હતો.
રોહિત શર્માએ સિક્સરની બાબતમાં ક્રિસ ગેલનો રેકોર્ડ તોડ્યો હતો. રોહિત શર્માએ એક કેલેન્ડર વર્ષમાં સૌથી વધુ છગ્ગા મારવાના મામલે ગેલને પાછળ છોડી દીધો છે. જોકે, રોહિત શર્મા ડી વિલિયર્સને પાછળ છોડી દેવાનું ચૂકી ગયો, પરંતુ તે તેની સાથે પકડવામાં સફળ રહ્યો હતો.
રોહિત શર્માએ એક કેલેન્ડર વર્ષમાં ODI ક્રિકેટમાં 58 સિક્સર ફટકારી છે. આ મામલે રોહિત શર્મા ડી વિલિયર્સની બરાબરી પર આવી ગયો છે. ક્રિસ ગેલે 56 સિક્સ ફટકારી હતી. રોહિત શર્માએ આ આંકડાને પાછળ છોડી દીધા છે. રોહિત શર્માએ દક્ષિણ આફ્રિકા વિરૂદ્ધ પોતાની ટૂંકી ઇનિંગ્સમાં 2 સિક્સર ફટકારી હતી. આ સિવાય તેણે 6 ચોગ્ગા પણ ફટકાર્યા હતા.
દક્ષિણ આફ્રિકા સામેની મેચમાં ટીમ ઈન્ડિયાએ ટોસ જીતીને પ્રથમ બેટિંગ કરવાનો નિર્ણય કર્યો હતો. ભારતીય ટીમે માત્ર 10 ઓવરમાં 90 રન બનાવ્યા હતા. રોહિત અને ગિલે સાથે મળીને શાનદાર બેટિંગ કરી હતી.
Click it and Unblock the Notifications
Sign in with Google
