મોહમ્મદ સિરાજે શ્રીલંકાની ટીમનું સપનું કચડ્યું, એક જ ઓવરમાં 4 વિકેટ ચટકાવી

Updated: Sunday, September 17, 2023, 16:32 [IST]

Asia Cup 2023 Final: એશિયા કપ 2023ની આજે ફાઈનલ મેચ રમાઈ રહી છે. ફાઇનલ મેચમાં ભારત અને શ્રીલંકા આમને-સામને થયું છે. મેદાન-એ-જંગમાં શ્રીલંકાએ ટોસ જીતી પહેલાં બોલિંગ કરવાનો નિર્ણય લીધો હતો. શ્રીલંકન કેપ્ટન દાસુન શંકાએ તાબળતોડ બેટિંગ કરી ભારતીય ટીમને વિશાળ ટાર્ગેટ આપવાનું સપનું જોઈ પહેલાં બેટિંગ લીધી હતી, વરસાદ ભાગ ભજવે તો પણ શરૂઆતમાં સારી રનરેટ હોય તો DLS નિયમ પ્રમાણે ભારતને વધુ રન ચેઝ કરવા પડી શકે તેમ વિચારીને પહેલાં બેટિંગ લીધી હતી પરંતુ મોહમ્મદ સિરાજે શ્રીલંકન કેપ્ટનનું સપનું સપનું જ બનાવી દીધું. આની સાથે જ મોહમ્મદ સિરાઝે એક રેકોર્ડ પણ બનાવી દીધો છે. એક જ ઓવરમાં 4 વિકેટ ચટકાવનાર પહેલો ભારતીય ખેલાડી બની ગયો છે.

ભારતીય ટીમના ધૂરંધર ફાસ્ટ બોલર મોહમ્મદ સિરાજે 3 ઓવરમાં માત્ર 4 રન આપી 5 વિકેટ ખેરવી લીધી છે. મોહમ્મદ સિરાજે એક જ ઓવરમાં 4 વિકેટ ચટકાવી હતી. જ્યારે જસપ્રીત બુમરાહે પણ 3 ઓવરમાં 8 રન આપી 1 વિકેટ ચટકાવી છે.

6 ઓવરના અંતે શ્રીલંકાનો સ્કોર 13-6 જ થયો છે. 6 બેટ્સમેન પેવેલિયન ભેગા થઇ ગયા પરંતુ સ્કોર માત્ર 13નો જ બનાવી શક્યો ત્યારે આખી ટીમ સંયુક્ત રીતે સદી બનાવી લે તેવી પણ આશા નથી. શ્રીલંકાના નબળાં પ્રદર્શનથી શ્રીલંકન ક્રિકેટ ટીમના ફેન્સમાં નારાજગી જોવા મળી રહી છે.