સનરાઈઝર્સ હૈદરાબાદને ચોથો ઝાટકો, કેન વિલિયમસન 9 રનમાં આઉટ

સનરાઈઝર્સ હૈદરાબાદ અને ચેન્નઈ સુપર કિંગ્સ વચ્ચે આજે ધમાકેદાર એક્શન જોવા મળી રહી છે. આઈપીએલની 14મી મેચ ઈન્ટરનેશનલ દુબઈ ક્રિકેટ સ્ટેડિયમમાં રમાઈ રહી છે. સનરાઈઝર્સ હૈદરાબાદે ટૉસ જીતી પહેલાં બેટિંગ લેવાનો નિર્ણય લીધો હતો પણ હવે ધડાધડ વિકેટો ખડવા લાગતાં હૈદરાબાદની મુશ્કેલી વધવા લાગી છે.

અત્યાર સુધીમાં સનરાઈઝર્સ હૈદરાબાદની ત્રણ વિકેટ ખરી ગઈ છે. સૌથી પહેલાં જોની બેરસ્ટો દિપક ચહરની બોલ પર બોલ્ડ થઈ ગયો હતો. બેરસ્ટો ખાતું પણ નહોતો ખોલી શક્યો. ત્યાર બાદ મનીષ પાંડે આવ્યો અને ધમાકેદાર શરૂઆત કરી હતી. 21 બોલમાં ચાર ચોગ્ગા ફટકાર્યા બાદ શાર્દુલ ઠાકુરના બોલમાં કેચ ચડાવી દીધો હતો. જે બાદ ડેવિડ વોર્નરે 28 રનની ઈનિંગ રમી અને પીયુષ ચાવલાના બોલ પર આઉટ થઈ ગયો.

જો કે ચોથો ઝાટકો હૈદરાબાદને કેન વિલિયમસનની વિકેટથી લાગ્યો. કેન વિલિયમસનને પણ અફસોસ થતો હશે, કેમ કે સારા એવા ફોર્મમાં હોવા છતાં તેઓ ફાયદો ના ઉઠાવી શક્યા. વિલિયમસનને ધોની અને રાયડૂએ રન આઉટ કરી દીધો. હાલ હૈદરાબાદનો સ્કોર 13 ઓવર પર 4 વિકેટના નુકસાને 77 રન છે.

ક્રિકેટ પ્રેમ? સાબિત કરો. માયખેલ ક્રિકેટ ફેન્ટસી ક્રિકેટ રમો

English summary

sunrisers hyderabad lost fourth wicket, williamson run out