સુર્યકુમાર યાદવે તોડ્યો રિષભ પંતનો રેકોર્ડ, બન્યો નંબર 1 ભારતીય બેટ્સમેન
જ્યારે સૂર્યકુમાર યાદવ બેટિંગ કરે છે ત્યારે તે મેદાનની ચારે બાજુ શોટ મારે છે. તેનું બેટ 360 ડિગ્રીનો ખૂણો બનાવે છે. આ આઈપીએલમાં તેનો લેપ શોટ ઘણી વખત જોવા મળ્યો છે. સૂર્યાએ આ સિઝનમાં 600 રનનો આંકડો પાર કર્યો હતો. મુંબઈના માત્ર બે જ ખેલાડીઓ આમ કરવામાં સફળ રહ્યા છે.
સૂર્યકુમાર યાદવે 600 રનનો આંકડો પાર કરીને મોટો રેકોર્ડ બનાવ્યો હતો. તેણે આ રન સૌથી વધુ સ્ટ્રાઈક રેટથી બનાવ્યા છે. તે સૌથી ઝડપી રમતા રમતા 600 રનનો આંકડો પાર કરનાર પ્રથમ ભારતીય છે. આ યાદીમાં માત્ર ક્રિસ ગેલ જ તેના કરતા આગળ છે.
આ સિઝનમાં સૂર્યકુમાર યાદવે કુલ 16 મેચ રમી અને 605 રન બનાવ્યા. આ દરમિયાન તેણે 181.13ના સ્ટ્રાઈક રેટથી આ રન બનાવ્યા હતા. તેના બેટમાંથી એક સદી અને 5 અડધી સદી જોવા મળી. સૂર્યકુમાર યાદવે 43ની એવરેજથી આ રન બનાવ્યા હતા.
ભારતીય ક્રિકેટરોની વાત કરીએ તો સૂર્યકુમાર યાદવ પહેલા આ આંકડો રિષભ પંતના નામે હતો. સૂર્યાએ હવે તેને પાછળ છોડી દીધો છે. પંતે વર્ષ 2018માં ઘણા રન બનાવ્યા હતા. તેણે તે સિઝનમાં 173થી વધુના સ્ટ્રાઈક રેટ સાથે 600થી વધુ રન બનાવ્યા હતા.
IPLની એક સિઝનમાં સૌથી ઝડપી 600 રન બનાવનાર ખેલાડીનું નામ ક્રિસ ગેલ છે. તેણે વર્ષ 2011માં 183.13ના સ્ટ્રાઈક રેટથી આ રન બનાવ્યા હતા. સૂર્યકુમાર યાદવ હવે બીજા નંબર પર છે. ત્રીજા નંબર પર પંત અને ચોથા નંબર પર એબી ડી વિલિયર્સ. ડી વિલિયર્સે 2016માં 168.79ના સ્ટ્રાઈક રેટથી રન બનાવ્યા હતા. તેના સિવાય આ વર્ષે યશસ્વી જયસ્વાલે 163.61ના સ્ટ્રાઈક રેટથી રન બનાવ્યા હતા.
મુંબઈ ઈન્ડિયન્સની ટીમ બીજી ક્વોલિફાયર મેચમાં હાર સાથે ફાઈનલમાં જવાથી વંચિત રહી ગઈ હતી. સૂર્યકુમાર યાદવે તોફાની ફિફ્ટી બનાવી હતી પરંતુ તેના આઉટ થયા બાદ મુંબઈ અલગ પડી ગયું હતું. ગુજરાતે આ મેચ 62 રને જીતી લીધી હતી.
Click it and Unblock the Notifications
Sign in with Google
