Today's World Cup Match: વર્લ્ડ કપ 2023ની બીજી સેમીફાઈનલ આજે- ઑસ્ટ્રેલિયા વિ દક્ષિણ આફ્રિકા
Today's World Cup Match is between Austrailia vs South Africa: વર્લ્ડ કપની લીગ મેચો બાદ હવે નૉકઆઉટ રાઉન્ડ શરૂ થઈ ગયો છે. એક તરફ ભારતીય ટીમે સતત 10મી જીત નોંધાવીને વર્લ્ડ કપ ફાઇનલમાં જોરદાર એન્ટ્રી કરી છે તો બીજી તરફ આજે ઑસ્ટ્રેલિયા અને દક્ષિણ આફ્રિકા વચ્ચે રમાનારી બીજી સેમિફાઇનલ પર સૌની નજર રહેશે.
આજની મેચ ખૂબ જ મહત્વપૂર્ણ છે, તેનું મુખ્ય કારણ એ છે કે દક્ષિણ આફ્રિકા આજ સુધી ક્યારેય વર્લ્ડ કપની ફાઇનલમાં પહોંચી શક્યું નથી જ્યારે ઑસ્ટ્રેલિયા 5 વખત વર્લ્ડ કપ જીત્યું છે. આવી સ્થિતિમાં ઑસ્ટ્રેલિયા ફરી એકવાર દક્ષિણ આફ્રિકાને હરાવી ફાઇનલમાં પોતાનું સ્થાન નિશ્ચિત કરવા પર રહેશે.
આજની મેચ કોલકાતાના ઈડન ગાર્ડન મેદાનમાં રમાશે. દક્ષિણ આફ્રિકાના કેગિસો રબાડા અને તબરેઝ શમ્સીએ મંગળવારે પીચનું નિરીક્ષણ કર્યું હતું. આ દરમિયાન રબાડા લેફ્ટ આર્મ રિસ્ટ સ્પિનરની એક્શન કરતો જોવા મળ્યો હતો, તેથી અનુમાન લગાવવામાં આવી રહ્યું છે કે આજની મેચમાં પણ બોલરોને પિચમાં ટર્ન જોવા મળી શકે છે. હવામાનની વાત કરીએ તો વરસાદની કોઈ શક્યતા નથી, ચોખ્ખું આકાશ રહેશે અને તાપમાનનો પારો 33 ડિગ્રી સેલ્સિયસ સુધી રહી શકે છે.
ઑસ્ટ્રેલિયન ટીમ માટે મુશ્કેલી એ છે કે મેક્સવેલ અફઘાનિસ્તાન સામેની ઐતિહાસિક ઇનિંગ બાદ બાંગ્લાદેશ સામેની મેચમાં રમ્યો નહોતો. તેણે અફઘાનિસ્તાન સામેની મેચમાં 128 બોલમાં 201 રનની ઇનિંગ રમી હતી. પ્રથમ બે મેચ હાર્યા બાદ ઑસ્ટ્રેલિયાની ટીમે સતત 7 મેચ જીતી છે. ડેવિડ વૉર્નર અને મિચેલ માર્શ ટીમ માટે સૌથી વધુ રન બનાવનાર બેટ્સમેન છે, જ્યારે એડમ ઝમ્પાએ આ વર્લ્ડ કપમાં 22 વિકેટ પોતાના નામે કરી છે.
દક્ષિણ આફ્રિકા માટે માર્કો જેન્સેન આજની મેચમાં વાપસી કરી શકે છે, તે એન્ડિલ ફેકુવાઓના સ્થાને ટીમમાં આવી શકે છે. પિચમાં ટર્નને ધ્યાનમાં રાખીને, તબરેઝ શમ્સીને પ્લેઇંગ 11માં સ્થાન મળી શકે છે. તેને ગેરાલ્ડ કોઈટ્ઝની જગ્યાએ ટીમમાં જગ્યા મળી શકે છે.
સાઉથ આફ્રિકા સંભવિત પ્લેઈંગ 11
ટેમ્બા બવુમા, ક્વિન્ટન ડી કૉક, રેસી વેન ડર ડ્યુસેન, એડન માર્કરામ, હેનરિક ક્લાસેન, ડેવિડ મિલર, માર્કો જેન્સેન, કેશવ મહારાજ, કેગીસો રબાડા, લુંગી એંગીડી
ઑસ્ટ્રેલિયા સંભવિત પ્લેઈંગ 11
ટ્રેવિસ હેડ, ડેવિડ વૉર્નર, મિચેલ માર્શ, સ્ટીવ સ્મિથ, માર્નસ લાબુશેન, ગ્લેન મેક્સવેલ, જોશ ઇંગ્લિશ, માર્કસ સ્ટૉઇનિસ, પેટ કમિન્સ, એડમ ઝમ્પા, જોશ હેઝલવુડ.
Click it and Unblock the Notifications
Sign in with Google
