• search
For Quick Alerts
ALLOW NOTIFICATIONS  
For Daily Alerts

કોલંબો સીરિઝમાં જીત સાથે વિરાટ અને ધોનીએ બનાવ્યા નવા રેકોર્ડ

By Kajal
|

કોલંબોમાં રમાયેલ ભારત અને શ્રીલંકા વચ્ચેની પાંચમી વન ડે મેચ ભારતે 5-0થી જીતીને સીરિઝ પોતાને નામ કરી છે. શ્રીલંકા સામે રમાયેલ પાંચેય વન ડે મેચ જીતીને ભારતીય ટીમે નવો રેકોર્ડ બનાવ્યો છે. આ ઉપરાંત આ મેચમાં ભારતીય કપ્તાન વિરાટ કોહલીએ પોતાના કરિયરની 30મી સદી ફટકારી હતી. આ સાથે જ તેમણે ઑસ્ટ્રેલિયાના પૂર્વ કપ્તાનના રેકોર્ડની બરાબરી કરી છે. આ પહેલાં આ રેકોર્ડ ઑસ્ટ્રેલિયાના પૂર્વ કપ્તાન રિકી પોન્ટિંગના નામે હતો. રવિવારની મેચ બાદ વિરાટ કોહલીએ વન ડેમાં સૌથી વધુ સદી ફટકારનાર ખેલાડીઓની સૂચિમાં બીજા સ્થાને પહોંચી ગયા છે. હવે તેમની આગળ માત્ર સચિન તેડુંલકર છે. વિરાટ કોહલી આ વર્ષે 18 મેચ રમ્યા છે, જેમાં તેમણે 1000થી પણ વધારે રન બનાવ્યા છે. આ સાથે જ વિરાટ કોહલી 2017માં સૌથી વધુ રન કરનાર ખેલાડી બની ગયા છે.

ભારત અને શ્રીલંકા સામેની આ મેચ ભારતના પૂર્વ કપ્તાન મહેન્દ્રસિંહ ધોની માટે પણ ઘણી કારગત નિવડી છે. જેમાં ધોનીએ પોતાના વિકેટ કિપરના કરિયરનાં 100 સ્ટંપ મેળવીને વર્લ્ડ રોકોર્ડ બનાવ્યો છે. આ પહેલા શ્રીલંકાના ખેલાડી દાનુષ્કા ગુણાતિલકાએ 99 સ્ટંપનો રેકોર્ડ બનાવ્યો હતો, જે ધોનીએ તેની 300મી વન ડે મેચમાં તોડ્યો છે. આ મેચમાં ધોનીએ 100 સ્ટંપ લેનાર ખેલાડી તરીકે વર્લ્ડ રેકોર્ડ બનાવ્યો છે. નોંધનીય છે કે, ધોનીએ ભારત માટે 97 સ્ટંપ અને એશિયા ઈલેવનમાં 3 એમ કુલ 100 સ્ટંપ મેળવ્યા છે. આમ શ્રીલંકા સાથેની આ પાંચમી વન ડેમાં ભારતીય ખેલાડીઓએ સારા પ્રદર્શનની સાથે શાનદાર રેકોર્ડ પણ તોડ્યા હતા.

ક્રિકેટ પ્રેમ? સાબિત કરો. માયખેલ ક્રિકેટ ફેન્ટસી ક્રિકેટ રમો

English summary
Virat kohli 30th ODI ton and MS Dhoni Sets New World Record of 100 Stumpings in ODI.
ઝડપી સમાચાર અપડેટ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
loader
X