Women's Big Bash League 2021 : સ્મૃતિ મંધાનાએ રચ્યો ઇતિહાસ
ભારતીય મહિલા ક્રિકેટર સ્મૃતિ મંધાનાએ મહિલા બિગ બેશ લીગ 2021 (WBBL 2021) માં ઇતિહાસ રચ્યો છે. સ્મૃતિ મંધાનાએ 17 નવેમ્બરના રોજ મેલબોર્ન રેનેગેડ્સ વિમેન સામે 64 બોલમાં 3 છગ્ગા અને 14 ચોગ્ગાની મદદથી 114 રનની ઇનિંગ રમી હતી.
Women's Big Bash League 2021 : ભારતીય મહિલા ક્રિકેટર સ્મૃતિ મંધાનાએ મહિલા બિગ બેશ લીગ 2021 (WBBL 2021) માં ઇતિહાસ રચ્યો છે. સ્મૃતિ મંધાનાએ 17 નવેમ્બરના રોજ મેલબોર્ન રેનેગેડ્સ વિમેન સામે 64 બોલમાં 3 છગ્ગા અને 14 ચોગ્ગાની મદદથી 114 રનની અણનમ ઇનિંગ રમી હતી. આ સાથે સ્મૃતિ મંધાના બિગ બેશ લીગમાં સદી ફટકારનારી પ્રથમ ભારતીય મહિલા બની ગઈ છે.
આ ઈનિંગ સાથે સ્મૃતિ મંધાનાએ WBBL ઈતિહાસમાં ઓસ્ટ્રેલિયન બેટ્સમેન એશલે ગાર્ડનરના સર્વોચ્ચ વ્યક્તિગત સ્કોરની બરાબરી પણ કરી લીધી છે. જો કે, સ્મૃતિ મંધાનાની આ ઇનિંગ ટીમ માટે કામ આવી ન હતી અને સિડની થંડર 4 રનથી મેચ હારી જતાં અંતિમ રેસમાંથી બહાર થઈ ગઈ હતી. ટીમને છેલ્લા બોલ પર સિક્સની જરૂર હતી, પરંતુ સ્મૃતિ મંધાના ટીમને જીતાડી શકી ન હતી.
HUNDRED! Superb knock from Smriti Mandhana to bring up her maiden WBBL hundred off 57 balls in Mackay 💯⭐
— Weber Women's Big Bash League (@WBBL) November 17, 2021
LIVE: https://t.co/e5UVmR8Ekj #WBBL07 pic.twitter.com/oZFmmihnEY
મેચમાં ટોસ હાર્યા બાદ મેલબોર્નની ટીમે પ્રથમ બેટિંગ કરતા 4 વિકેટના નુકસાન પર 175 રન બનાવ્યા હતા. ટીમે 9 ના સ્કોર સુધી તેની બે વિકેટ ગુમાવી દીધી હતી, ત્યારબાદ હરમનપ્રીત કૌર સાથે એવલિન જોન્સે ત્રીજી વિકેટ માટે 91 રનની ભાગીદારી નોંધાવી હતી.
જોન્સ 33 બોલમાં 42 રન બનાવીને આઉટ થઇ હતી, ત્યારબાદ હરમનપ્રીતે જેસ ડફિન સાથે ચોથી વિકેટ માટે 75 રનની ભાગીદારી નોંધાવી હતી. ડફિન 33 રને રન આઉટ થઇ હતી, જ્યારે હરમનપ્રીત કૌરે 55 બોલમાં 13 બાઉન્ડ્રીની મદદથી અણનમ 81 રન બનાવ્યા હતા. વિરોધી ટીમ વતી સામંથા બેટ્સે 2 જ્યારે વોંગે 1 વિકેટ ઝડપી હતી.
ટાર્ગેટનો પીછો કરતા સિડની થંડરે 31 ના સ્કોર પર સેમી જોન્સન (12) ની વિકેટ ગુમાવી દીધી હતી, ત્યારબાદ ફોબી લિચફિલ્ડ માત્ર 1 રન ઉમેરીને પેવેલિયન પરત ફરી હતી.
A beautiful innings!
— Weber Women's Big Bash League (@WBBL) November 17, 2021
Congratulations, @mandhana_smriti 🤩 #WBBL07 pic.twitter.com/Jwo4E1fN3X
અહીંથી ઓપનર સ્મૃતિ મંધાનાએ લીડ સંભાળી હતી. તેણીએ તાહિલા વિલ્સન સાથે ત્રીજી વિકેટ માટે 125 રનની અતૂટ ભાગીદારી કરી હતી, પરંતુ તે હરમનપ્રીત કૌરના છેલ્લા બોલ પર છગ્ગો ફટકારવામાં નિષ્ફળ રહી હતી. મેલબોર્ન તરફથી હરમનપ્રીત કૌર અને રિયાન ઓ ડોનેલે 1-1 વિકેટ લીધી હતી.
-
યુએસ-ઈરાન વાટાઘાટો: અમેરિકા અને ઈરાન વચ્ચે કેમ વાત ન બની? હોર્મુઝથી ન્યૂક્લિયર સુધી, આ 5 કારણોએ શાંતિનો માર્ગ -
યુ.એસ. ઈરાન વાટાઘાટો નિષ્ફળ થયા બાદ તેલના ભાવ વધ્યા -
Crude oil Price Hike: હોર્મુઝ પર ટ્રમ્પની ઘેરાબંધી થી ક્રૂડ ઓઈલની કિંમતમાં તેજ ઉછાળો, ભારતમાં ભાવ શું છે? -
ક્યુબાના રાષ્ટ્રપતિ મિગુએલ ડિયાઝ-કેનેલે લશ્કરી કાર્યવાહી અને તેમને પદભ્રષ્ટ કરવાના પ્રયાસો સામે યુએસને ચેતવણી આપી -
સુપરનેચરલ થ્રિલર સીરીઝ ‘FROM’ Season 4 ની વાપસી; જાણો આ સીઝનમાં શું-શું હશે? -
RCB vs MI: મુંબઈ ઈન્ડિયન્સની હારની હેટ્રિક -
લખતર-વિરમગામ રોડ પર ટ્રકે પદયાત્રીઓને કચડ્યા, 7 ના કરુણ મોત -
મુંબઇ ઇન્ડિયન્સે બુમરાહની ભૂમિકા પર પુનર્વિચાર કરવો જોઈએઃ ફાફ -
રાજકોટ AIIMS માં સર્જરીના આંકડામાં ધરખમ ઉછાળો: વર્ષ 2025માં 1,900 થી વધુ ઓપરેશન સફળતાપૂર્વક સંપન્ન -
"ગુજરાતીઓને મૂર્ખ સમજનારાઓને જનતા જડબાતોડ જવાબ આપશે": વડોદરાથી હર્ષ સંઘવીનો વિપક્ષ પર પ્રહાર -
સોનિયા ગાંધીએ સરકારના સીમાંકન પ્રસ્તાવને બંધારણ પર ખતરનાક હુમલો ગણાવ્યો
Click it and Unblock the Notifications
Sign in with Google
