Yukti Thareja share latest photo : કોણ છે ધોની સાથે વાયરલ થઈ રહેલી ખૂબસૂરત હસીના? જુઓ ફોટો
Yukti Thareja's Latest Photo with MS Dhoni : : ઈન્ડિયન પ્રીમિયર લીગ (IPL) ની નવી સિઝન શરૂ થવાની છે અને ચેન્નાઈ સુપર કિંગ્સ (CSK) માટે મહેન્દ્ર સિંહ ધોની ફરી એકવાર મેદાનમાં ઉતરવા માટે તૈયાર છે.
જો કે, આ વખતે તે કેપ્ટન તરીકે નહીં રમે. રુતુરાજ ગાયકવાડની આગેવાની હેઠળ CSKની ટીમ મજબૂત પ્રદર્શન કરવાના ઈરાદા સાથે ઉતરશે.
IPL શરૂ થવા પહેલા મહેન્દ્ર સિંહ ધોનીની એક તસ્વીર સોશિયલ મીડિયા પર ભારે ચર્ચામાં છે. આ તસ્વીરમાં ધોની એક સુંદર યુવતી સાથે જોવા મળી રહ્યો છે, જેને લઈ ફેન્સમાં જિજ્ઞાસા જાગી છે કે આ યુવતી કોણ છે.
આ હસીના છે મોડલ યુક્તિ થરેજા, જેણે પોતાના ઈન્સ્ટાગ્રામ એકાઉન્ટ પર ધોની સાથેની તસ્વીર શેર કરી છે. યુક્તિ થરેજા એ બોલિવૂડમાં પોતાની ઓળખ બનાવી ચૂકી છે.
તેણી પહેલા બોલિવૂડ એક્ટર ઈમરાન હાશ્મી સાથે 'લૂટ ગયે' ગીતમાં જોવા મળી હતી. આ તેનું પહેલું મોટા બેનરનું મ્યુઝિક આલ્બમ હતું, જેના દ્વારા તેણે બોલિવૂડમાં એન્ટ્રી કરી હતી. તેમ છતાં, ત્યારબાદ યુક્તિ કોઈ નવા ગીત કે ફિલ્મમાં દેખાઈ નથી.
યુક્તિ થરેજાએ 'સુપર મોડલ ઓફ ધ યર' શોમાં સ્પર્ધક તરીકે ભાગ લીધો હતો. ભલે તે શો જીતી ન શકી હોય, પરંતુ તેણે દર્શકોના દિલમાં પોતાની અલગ ઓળખ બનાવી.
આ શોમાં મલાઈકા અરોરા, મસાબા ગુપ્તા અને મિલિંદ સોમન જજ તરીકે હતાં. શોના દરમિયાન, વીજે અનુષાએ યુક્તિની સરખામણી ડેઈલી સોપ એક્ટ્રેસ સાથે કરી હતી અને કહ્યું હતું કે તેનો ચહેરો એક પરફેક્ટ મોડલ તરીકે ફિટ નથી, પરંતુ યુક્તિએ પોતાની આગવી સ્ટાઈલ અને અભિવ્યક્તિથી લોકોનું ધ્યાન ખેંચ્યું.
હરિયાણાની મૂળ વતની યુક્તિ થરેજા હાલમાં ખૂબ લોકપ્રિય બની છે. તેણી તેના સ્ટાઇલિશ ફોટોશૂટ અને સોશિયલ મીડિયા પર એક્ટિવ હોવાથી સતત ચર્ચામાં રહે છે.
Click it and Unblock the Notifications
Sign in with Google
