આઇપીએલનું આકર્ષણ, દિગ્ગજ ખેલાડીઓની અનોખી હેરસ્ટાઇલ

Published: Tuesday, April 23, 2013, 14:41 [IST]

આઇપીએલ 6માં ચોગ્ગા છગ્ગાઓના વરસાદની સાથે મેદાન પર જોવા મળતા ક્રિકેટર્સની તેમના અનોખા અંદાજ અને હેર સ્ટાઇલના કારણે ઘણા જાણીતા બન્યા છે. જેમાં ભારતના વિરાટ કોહલી અને 'સર' રવિન્દ્ર જાડેજા સહિત વિદેશના ખેલાડીઓ જેમ કે, એસ નારાયણ, ક્રિસ ગેઇલ અને લસિથ મલિંગાએ લોકોમાં ખાસ્સુ એવું આકર્ષણ જમાવ્યું છે.

ચોક્કસપણે આ ખેલાડીઓ પોતાના પ્રદર્શનના કારણે યુવાનોમાં લોકપ્રિય બન્યા છે પરંતુ તેમની સ્ટાઇલ પણ લોકોને ઘણી પસંદ પડી છે. પોતાના પ્રદર્શનને લઇને યુવાઓનો આઇકોન બનેલો વિરાટ કોહલી એક એવું નામ છે જે, મેદાન પર પોતાની આક્રમકતા અને ચુસ્ત ફિલ્ડિંગ ઉપરાંત તેની હેર સ્ટાઇલના કારણે જાણીતો બન્યો છે, તેની આ અદાઓના કારણે જ ઘણી યુવતીઓ પણ તેની પ્રસંશક બની ગઇ છે. તો કોલકતા નાઇટ રાઇડર્સનો સ્પિન બોલર સુનીલ નારાયણ પોતાની સ્પિન બોલિંગથી વિરોધી ટીમના બેટ્સમેનોને તાતા થૈયા તો કરાવે જ છે પરંતુ તેની 'મોહોક' હેર સ્ટાઇલે લોકોને તેના તરફ ધ્યાન ખેંચવા માટે મજબૂર કરી દીધા છે.

મુંબઇ ઇન્ડિયન્સનો સચિન તેંડુલકર, રોયલ ચેલેન્જર્સનો ક્રિસ ગેઇલ પણ પોતાની હેર સ્ટાઇલના કારણે લોકોનું ધ્યાન ખેંચવામાં સફળ રહ્યાં છે. આ શ્રેણીમાં જો કોઇની હેર સ્ટાઇલ ચર્ચાનું કેન્દ્ર બની હોય તો તે કાઠિયાવાડી સુપર પાવર રવિન્દ્ર જાડેજા છે. જાડેજા ઉપરાંત મુંબઇ ઇન્ડિયન્સનો લસિથ મલિંગા તો પહેલાથી જ પોતાની હેર સ્ટાઇલના કારણે લોકપ્રીય થઇ ચૂક્યો છે. તો પુણે વોરિયર્સના અભિષેક નાયરે પણ પોતાના અસ્ત-વ્યસ્ત વાળના કારણે ચર્ચા જગાવી છે. તો ચાલો તસવીરોમાં જોઇએ આ દિગ્ગજ ખેલાડીઓની અનોખી હેરસ્ટાઇલ.