...તો ફિલ્મોમાં હાથ અજમાવશે ભજ્જી

ચંદીગઢ, 22 જાન્યુઆરીઃ ભારતીય ટીમના સ્ટાર સ્પિનર હરભજન સિંહે કહ્યું કે તે ક્રિકેટમાંથી નિવૃત્તિ લીધા બાદ ફિલ્મ નિર્માણ ક્ષેત્રે સક્રિય થવા ઇચ્છશે. ભજ્જી પંજાબી ફિલ્મ જગતમાં નિર્માતા તરીકે પોતાની ઓળખ બનાવવા માગે છે. ચંદીગઢમાં સોમવારે પોતાના એક નાયક મિત્ર ગપ્પી ગ્રેવાલની પંજાબી ફિલ્મ ' સિંહ સર્વિસ કૌર'ના સંગીત લોચિંગ સમયે ભજ્જીએ કહ્યું કે હજુ ચાર-પાંચ વર્ષ સુધી ક્રિકેટ રમવા માંગે છે, કારણ કે તે માને છે કે હજુ ક્રિકેટને આપવા માટે તેની પાસે ઘણું બધું છે.

ખરાબ ફોર્મના કારણે ભારતીય ટીમ બહાર ચાલી રહેલા ભજ્જીએ કહ્યું કે હું હજુ ચાર-પાંચ વર્ષ અને ક્રિકેટ રમવા ઇચ્છું છું. આ કારણે હાલ ફિલ્મો અંગે વિચારી રહ્યો નથી, પરંતુ પંજાબી ફિલ્મોનું નિર્દેશન જરૂર કરવા માંગે છે. ભજ્જીએ કહ્યું કે તે પોતાની ક્રિકેટ એકેડમીને પણ વિસ્તાર આપવાની યોજના બનાવી રહ્યાં છે અને તે અંતર્ગત તે મુંબઇ જેવા મહાનગરોને પણ આ સૂચીમાં સામેલ કરવા માંગે છે.

તેણે કહ્યું કે હું એક ક્રિકેટ એકડમી ચલાવી રહ્યો છું. તે ઘણો સફળ છે અને હવે મારી યોજના મુંબઇ જેવા મોટા શહેરોમાં પોતાની એકેડમીને વિસ્તાર આપવાની છે. હું ટૂંક સમયમાં મારી એકેડમીની શાખા ખોલવા જઇ રહ્યો છું.

English summary

cricketer Harbhajan says, he will make movies after retirement from cicket.