એશિયન ગેમ્સ 2018: 10 મીટર એર પિસ્ટલમાં હિના સિદ્ધુએ જીત્યો બ્રોન્ઝ મેડલ

હિનાએ 10.8 પોઈન્ટ્સનું પહેલુ નિશાન લગાવ્યુ પરંતુ બીજા શોટમાં તે કોઈ કમાલ બતાવી શકી નહિ અને આ સાથે તે 219.2 પોઈન્ટ્સ સાથે બ્રોન્ઝ મેડલ જીતવામાં સફળ રહી.

Published: Friday, August 24, 2018, 13:32 [IST]

ઈન્ડોનેશિયામાં ચાલી રહેલા 18 માં એશિયન ગેમ્સનો છઠ્ઠો દિવસ પણ ભારત માટે શાનદાર રહ્યો અને ભારતે આ દિવસે પોતાની મજબૂત દાવેદારી વિદેશી ભૂમિ પર બતાવી. આજે ભારતને શૂટિંગના વિમેન્સ 10 મીટર એર પિસ્ટલમાં મનુ ભાકર અને હિના સિદ્ધુથી ગોલ્ડની આશા રાખી હતી કારણકે થોડા મહિના પહેલા જ થયેલ કોમનવેલ્થ ગેમ્સમાં આ બંને ખેલાડીઓએ ગોલ્ડ અને સિલ્વર જીતીને ભારતનું માન વધાર્યુ હતુ.

આ કારણે જ એશિયન ગેમ્સમાં પણ ભારતને ગોલ્ડની આશા હતી. જો કે આ ઈવેન્ટમાં મનુ ભાકરે એલિમિનેટ થઈને બધાને નિરાશ કરી દીધા હતા. પરંતુ હિનાએ બ્રોન્ઝ જીતીને ભારતની આશાઓને જીવંત રાખી. તમને જણાવી દઈએ કે હિનાએ 10.8 પોઈન્ટ્સનું પહેલુ નિશાન લગાવ્યુ પરંતુ બીજા શોટમાં તે કોઈ કમાલ બતાવી શકી નહિ અને આ સાથે તે 219.2 પોઈન્ટ્સ સાથે બ્રોન્ઝ મેડલ જીતવામાં સફળ રહી.

#Shooting | BRONZE for Heena Sidhu.

Heena Sidhu finishes third in 10m Air Pistol to win bronze; Manu Bhaker ends at the fifth position. pic.twitter.com/1pJB0M8q5v
— The Bridge (@TheBridge_IN) August 24, 2018

આ ગેમ શરૂ થતા પહેલા માનવામાં આવતુ હતુ કે ભારતને આ ગેમમાં ગોલ્ડ જરૂર મળશે પરંતુ આ ઈવેન્ટમાં પહેલી સીરિઝ બાદ ભારતની શૂટર હિના સિદ્ધુ 49.9 પોઈન્ટ્સ સાથે પાંચમાં અને મનુ ભાકર 49 પોઈન્ટ સાથે છઠ્ઠા સ્થાન પર રહી. વળી, બંને પર જ એક સમયે એલિમિનેશનનું જોખમ તોળાતુ હતુ પરંતુ હિનાએ આમાં સફળતા મેળવી અને ભારતને બ્રોન્ઝ જીતાડ્યો. આ સાથે ભારત હવે મેડલ ક્રમમાં સાતમાં સ્થાન પર આવી ગયુ છે. ભારતે અત્યાર સુધીમાં 6 ગોલ્ડ, 4 સિલ્વર અને 13 બ્રોન્ઝ મેડલ જીત્યા છે. ભારતના કુલ 23 મેડલ થઈ ગયા છે.

SHOOTING

HeenaSidhuwinsBRONZEin women's 25mair pistol

Congratulations...#AsianGames2018 pic.twitter.com/E864udUCca
— Kunal Vimal (KV) (@kvQuote) August 24, 2018